ياعين جــــــــــودي بدمعك واثــري ماها= لاتبخلي بالدمـــوع القشـــر ياعيني
ان كان طــــــــول غياب اللـــــــي تمناها= قلب الشقى راح يفجر لي شراييني
من بعــــــدها عيشـــــتي والله ما اقواها= ما عاد لي فيـــــــك يالدنيا عناويني
ياحلــــــم بالله رجعــــــــها لمــــــــــبداها= يمكــن تزين الليال وتصفي اسنيني
ظـــــــــروفها دونـــها وانا اتحـــــــــراها= كيف الظــروف امنعتها لا تحاكيني
ان جيـت ابا ارسل لها خوفي من عداها= تقراء الرسايل وتبلشها الملاعيني
وان جيت ابا ازهم عليها واسمع انداها= اخاف من واحــــدا يبلى نظر عيني
والله لـــــولا الرجـــــا وايــــــام عشناها= لاجيك لو وقفـــــــوا كل الشياطيني
لكــــن باصــــــبر لعل تزيــــــــن باتلاها= والصبر محــــمود في كل القوانيني
