أهديكم ثاني مشاركه لي بهذا الصرح الشامخ عسى أن تنال رضاكم وأعجابكمأجمل صوره
!
!
تنقلي من بين قلبي وعيني= صورة جميلة مامحاها زماني
تنقلي فيهن شمال ويميني= واقصى مداهيلك شعيب المحاني
يا اجمل صورة ساكنه في كنيني= بروازها نور الامل والاماني
ومعطره بالورد والياسميني= ومطرزه بالفل والزعفراني
ماغبرت وجهك سوافي سنيني=عجف السنين الموغلات بكياني
لازلت ذاكر بسمتك والجبيني= ولون البرد بالمرهفات الثماني
وخدود زبدة وسطهن جمرتيني=وفي مفرق الغرة سهيل اليماني
والليل الاسود صاير(ن) قسمتيني= على قوام(ن) كنه الخيزراني
وعطرك مع لطاف النسايم يجيني= ان ذعذعت من غرب معها لفاني
وطيفك مع حلوم الكرى يحتريني= طبعه وفي ما مر حلم ونساني
تنقلي من بين قلبي وعيني= واقصى مداهيلك شعيب المحاني
