يالله اني بوجهك

هذه قصيده قلتها عندما تم نقلي
للعمل في محافضة الخرخير(الربع الخالي)
اتمنا ان تحوز على رضاكم

يالله اني بوجهك عدل احوالي= انت خلاقها وتعرف مافيها
عدل احوالي اللي مالها تالي= ماعرفت الدوى وشلون اداويها
العرب يحسبوني داله وسالي=وعبرتي غير يالله اداريها
لاتضايقت اهوجس بالخلا الخالي= ارفع الرجل مدري وين اوديها
كل ماقلت هانت زادغربالي= اتصبر واقول الله يسويها
قمت ادور مع المخلوق منوالي=حاجتي مالقيت انسان يقضيها
وكان به مقبره للحي من تالي= يشهدالله تراني في ضواحيها
من بخص حالتي واللي بيجرالي= قال ليه عسى المولى يعديها

مع تحيات/ عبدالله الوحيشي

<span style='color:red'><div align="center">
السلام عليكم ورحمة الله وبركاته

صح لسانك ابو سليمان
قصيده جميله ومعبره عن تلك المعاناه من هاجس الخرخير ....

لك تقديري واحترامي

يا الشاعر العـــــــــــذ ب

</div></span>

س1
الحمد لله بانه قد فرج كربتك

فعلا قصيده معبره و معاناة الوحده في تلك الظروف صعبه

<div align="center">
السلام عليكم ورحمة الله وبركاتة ... وبعد


.. الــمــتــألــق : عـبـد الله الـوحـيـشـي </div>
<div align="center">

مـــــــاهـــــذا ..؟

فـهـا أنـت تـنـثـر حـروفـك الـجـمـيـلـه

لـتـنـشـد لـنـا بـقـصـيـده لا نـسـمـعـهـا إلا مـن حـنـاجـر الـبـلابـل

ولـتـعـزف لـنـا لـحـنـاً شـاديـاً تـرقـص لـه كـل حـواسـنـا الـشـعـريـه طـربـا

كلمات مليئه بالمعاني .. توقظ الراقد على ضفاف القلب

دمت لنا ودام أبداعك

ودام حرفك زاهيا وكلماتك محلقه عاليا




لك الـشـكـر ..



فـــــــــــــتى بــــــــــــلي

</div>

السلام عليكم ورحمة الله وبركاتة
اخي المبدع ابو سليمان
مدري من زود الابداع القصيدة اختفت او وش اللي صار
القصيدة ماطلعت معي
ارجوكم لا تحرموني من ابداعاتكم
واتمنى ان اعرف وش السبب
من عندي او لا
ولك كل الحب
يمكن غلا

اخي العزيز يمكن غلا

نفس المشكله اعاني منها القصيده وجميع القصائد في العصر الادبي الحديث
ماطلعت عندي

اخوك عبدالله الوحيشي