اخواني .. احمل لكم من روائع الشعر قصيدة
قصيدة متميزة من شاعر مختلف , هو وكما يلقبة جمهورة
الشاعر( المختلف) بالنظم ,,,, (وشاعر الجماهير ) بالرد
الشاعر \ منيف مناحي منقرة
اهديكم احد قصايدة ,,
نامت عيون العباد و ليه انا متنام عيني=واهـنـي الـي الـى جـاء الـنـوم يـرتـاح بـمـنامة
ودي اضـحـك ودي افـرح ودي اطـق الـهـجيني=وديي اطرب واطرب الـي نـاح مع نوح الحمامة
ياملك يالي بيسـاري ياملك يالي بيميني=اكـتـبـوا ولامـسـحـوا مـيـعـادنـا يـوم الـقـيـامـة
راسـي اطلق راس لوان الـلـيـالـي تـحتريني=يـسـتـحـق الـتـاج الاصـفـر لاعـقـال ولاعـمامة
لـكـن والله انـي خـابـر الـموت الاحمر يحتريني=وان سـلـمـت الـيـوم بـاكـر مـاتـحريت السلامة
مـن وراي الي يحسب ايام مايحسب السنيني =وكـل يـوم يـنـقـضـي يكتتب على جنبة علامة
والـلـة اني باغـي الـدنـيـا وهـي والله تـبـيني=وافـتـرقـنـا لـيـتـهـا تـطـلـب مـهـر غـير الكرامة
لويجـي مـنـدوبـهـا الـجـلـيـس قاموا واقفيني=بـس انـا مـاقـمـت لـة مـاقلت لة عزالله مقامة
وابتـسـم لـلـي وقـف ثم لـد الـعـيـن فـيـنـي=هـب مـاقـسـى نـظـرتـه عقب هاك الابتسامة
نظـرتة سـوت مـسـافـه بين خلق الله وبيني=دريـوا انـه يـنـتـقـم مـنـي وخـافـوا مـن انتقامة
واضحـكـونـي وازعلوني ذيبهم عود حصيني=اثــري الــدنــيــا بــهـا لـفـة ومـيـلـة وانـبـرامـة
لكن وش تبي الدنيا تسوي بواحدعزمة متيني=قـلـبـة اقوى من الحديدة والحديدة من عظامة
فارقـيـنـي ماعلي اخـلاف لـوتـفـارقـيـنـي=اعـتـزي بـسـبـع الـجـدود وكـل جـد ولة زعامة
عايديهـم فـي نهـار العـيـد انا لاتعـايديـني=يـرفـعون بك الجمل وانتي شدادك في سنامة
وان سلم راسي تهوني غصب عنك تطاوعيني=خـامـتـى هـي عـز راسـي خامتي ياوي خامة
