ياجماعة الربع ماودكم تقهوون؟؟؟
السلام عليكم
باديء ذي بدء : اتتني دعوة كريمة من الاخ الكريم المطنوخ(ادام الله ظله الوارف)بالاشتراك بالمسابقة الفلّالية....ومع تقديري للفتته الكريمه الا انني في حالة يرثى لها والسبب سالفة ابي اقولها لكم لعلكم انتم والاخ المطنوخ تعذروني اذا غبت عنكم .
وش السالفة ياعصير الفراولة؟؟؟؟؟؟
السالفة الله يسلمكم والسامعين.. الله يسلمك.. ماعليك زود(تروني احاكي روحي) كنت منذو بضع سنين(الحقيقة السنة الماضيه, وبضع هذي حق الفلسفة...والسجع )كنت في بلاد بره لخدمة الوطن(واذا تبون الصحيح...رايح على شان الانتداب والفرفشة) وكنت معطي مفتاحح114(عجّل الله فرجه)وكاله على جميع ما املك من الاموال المنقولة(والله مادري وش معنى المنقولة)لكن الشيخ قال هل توكله على اموالك وله حرية التصرف في التوكيل والبيع والشراء والهدم والبناء والتقاضي والتراضي ...و...و...قلت ايه بس خلّصنا الله يحفظك...المهم كنت احول للمفتاح بضعت الاف من الدولارات شهريا وكان يشتري لي بها اسهم
وكان يختلس الفكه ويشتري بها من غنم المكيرش.(اعترف للدفاع المدني"وش علاقتهم" بأنه اقترض ولم يختلس ..وذلك بعد غمته ببطانيه (اسلوب جديد للتحقيق)المهم على هالحال صار عندي عدد من الاسهم وفي احدى الاجازات قلت ياولد مابدهاش لازم اشوف النيرات وش اخبارها وكل ما اسال المفتاح يقول فلوسك مستثمرها لك وخل باللك وسيع.......(اكتشفت بواسطة امن الطرق انه يضارب بالدراهم والارباح له) ..وانا لك الله ياغافل
المهم صارت سوالف وعلوم ...يمكن اعلمكم به لكن الزبدة اني تعلقت بعدد لاباس به من الشركات
وكانت الخسارة (فويدحه) عاد انا بصدد(شوفوا حلو منطوقوه) لملمة الوضع وهناك رؤؤس قد حان
قطافها واني لقاطفها والى ذلك الوقت ارجوا منكم ومن اخي المطنوخ اعطائي مهله لاني مضيع الطاسه
ومنخبل وارقل ...يعني ماعندكم احد.....هذا والله اعلم والسلام عليكم ورحمة الله وبركاته
ووشلونكوا ...الله يسلمكوا...اشوفكوا على خيركوا(الله يخلف ضربت اخير فيوزين صالحه)
