doPoem(0)
الأعزاء
اعضاء وزوار منتدانا الغالي
السلام عليكم ورحمة الله وبركاته
ولسبب طول الغياب لإنشغالي بعدة اموراليكم هذه الأبيات المتواضعه القديمه وهي سبب
((اللقب عزام))
عزام
عزام انا لاقلت ياريم عزام=ياريم عزمي يقطع البيد ياريم
عزمي على مد النظر شذرة حسام=ماينثني لويشرب المر والظيم
في مدلهمّ الليل ناري لها إظرام=كالحاتميه بالليال المباهيم
مما دهاني همت هامات الأجرام=نفذت لأقطار السما بالمظاليم
لاخاشي ٍ هرجه ولا لوم لوام=الشعر سلطاني على متنه اهيم
أزداد في وسع الفضا حس والهام=انظم واحكم جزل الأمثال تحكيم
في كفي الأيمن لها عنان ولجام=صعاب المعاني طاوعتني مخازيم
قالت تفضل وإقطف ازهار وخزام=إقطف وصايف ريمة ٍ بالمزاميم
إعزف لها من ذروت المجد الأنغام=قسّم لها لحون المحبه تقاسيم
ياريم ياقايد جميلات الأريام=لك في فسيح الكون وصف ٍ وتقييم
بدر الدجا من خده بخدك وشام=والليل وشّم سود الأهداب توشيم
ولك من صفات هلال ثالث بالإتمام=خصر ٍ هصير بوصف نظم النواظيم
ولك في سما العز الدلايل والأحكام=ولك جود ٍ اجود من عطا وابل الديم
شامخ شموخ سهيل يابدري التام=ومن نجمة الجوزا لك اوصاف تكريم
ولك من صَفا بيض الليالي والأيام=قلب ٍ حنون يعلم الحب تعليم
عن طيبتك تعجز عن الوصف الأقلام=رقيق مرهف حس عالي تعاليم
أرق من همس المشاعر والأنسام=والطف من ظلال ٍ تحت رايح الغيم
واحة جمال ٍ ماتحقق بالأحلام=إبداع خالق نظم الكون تنظيم
لك في مسارات الفلك رمز اعلام=ولك وسط قلب ٍ مغرم ٍ بك مراسيم
ياريم قلبي بالغلا مغرم إغرام=كالنايفات اللي بسهرها مغاريم
ياريم انا من جاير الوقت منظام=حبك طعني بالحراب المساميم
زرعته بدربي مثل زرع الألغام=غرست غرسك بالفياض المطاميم
تمون يامطوع سطر كل ضرغام=سلّمت لك أمري مع القلب تسليم
خيلي بدربك عاديه ترهم ارهام=صفر ٍ أصايل مقدمه بالمقاديم
سقيتني يالريم من كاسك السام=بكفي شربته شرب ظامي من الهيم
اغويت قلب ٍ مولع عشرة اعوام=خالفت قانون العرب والمفاهيم
طويتني طي الورق تحت الإبهام=اشعلت نارك بالضلوع المحاطيم
علم ٍ ثبت ماهي روايات وافلام=كالبرق في غر المزون المراديم
الصرح طاح وعوّد حطام وركام=غلاك دك القلب دك ٍ بتحطيم
دكة قنابل بوش لقصور صدام=في ليلة ٍ عتّم بها الجو تعتيم
وسلامتكم
((عزام))
