مرثية الشاعر اعبيدالله دخيل الله العرادي في شيخ قبيلة بلي ابن رفاده
مرثيه للشاعر المعروف اعبيدالله دخيل الله العرادي
في المرحوم باءذن الله الشيخ محمد بن ابراهيم ابن رفاده
شيخ مشائخ قبيلة بلي واليكم القصيدة
مرحوم يا شيخاً تقافت ضعونه = اقفا كما يقفي غزير الخيالي
اقفا عن الدنيا وريح شطونه = عساه للجنه وفيها نزالي
مرحوم يا شيخاً تذري إردونه = أنا أشهد انه من فحول الرجالي
مرحوم يا شيخاً كبيرة صحونه = يا مكرم الضيفان والبال حالي
يلي للمحتاج تعطي معونه = هذه عوايد مكرمين الدلالي
محمد اللي بالقبيلة حزونه = ما ينسي غالي على القلب غالي
إبن رفاده من رجالاً حصونه = مثل الجنيه اللي يفوق الريالي
والجار زلت جارهم يدمحونه = هذه عوايد محتمين التوالي
شيخاً وفي من عاهده ما يخونه = ومن خان عهد الله ردي الاهالي
تمت بذكر الله على الخلق شونه = وأختم بذكر الله عظيم الجلالي
