قصيدة بمناسبة اسبوع المرور للشاعر عوض طالب الفاضلي
بسم الله الرحمن الرحيم
قصيدة بمناسبة أسبوع المرور الخليجي الموحد لعام 1427هـ
للقصيد أوسع مجال ونبتدي باسم الشكور = خالق الكون العظيم ومانح النفس الحياة
وكل منا في وطنا دايم بعزة فخور= ومن وطنا قد لبسنا بالفخر عز وجاه
بظل قايد مملكتنا الجسور ابن الجسور = خادم البيتين جوده عم للعالم شذاه
وعضده الأيمن بطبعة دايم لدينة غيور = ابو خالد جعل ربي يحفظه دوم بحماة
ولو بغيت اكتب واعبر وش تكفيني السطور = بالوطن مهما كتبنا ما وصلنا منتهاه
اجتمعنا ونتناقش حملة أسبوع المرور = فيها نعرف كيف نمسك أبرز حبال النجاة
بشرعنا وسنه نبينا بيننا بالأمر شور = ومن يشاور ما يخيب وياصل لغاية مناه
يا عزيزي لو تفكر أو تأمل بالقصور = كان ما تعطي لجاهل شئ يقصر مداه
شي أكيد إن الحديد نعمه وفيها شرور = والأصح انا نتعلم كيف نستخدم أداه
السيارة هي وسيلة جت لنا بأحدث عصور = نعمه الله لعبادة وإن قسم شي عطاة
بس حنا من جهلنا نستبق فيها طيور = ما قصدت الكل لكن من جهل يعرف خطاه
لركبها الجاهل اصبح في غيا هيب الغرور= لامسك طارة وفحط ما عرف الاتجاه
لا التزام ولا انتظام ولا احترام للعبور = كم جريح وكم كسير وكم معاق وكم وفاة
كم غلطة من سببها أبر يا وردوا قبور = حكمة الله في عبادة والحذر فيه النجاة
من تمهل قد تسهل ما بها شك وزور = ومن تسرع قد تجرع مر من بعد الحلاة
يا رفيقي شف طريقك وأتبع أنظمة المرور = لا تجرع ذنب مسلم ممتطي ولا مشاة
التزامك بالنظام به أمان مع سرور = بطاعتك ولي أمرك 000 ربنا تكسب رضاه
القيادة فن واضح لا تخليها فجور = انتحار النفس ذنب خاسر من قد وطأة
كم شباب بانقلاب 00 ماتوا بعمر الزهور = واللبيب اللي يجيب ويتبع بفعل الوصاة
وختامها مني 00 تحيه للجميع وللحضور = وأعتذر عن كل غلطة قلتها دون إنتباة
وحينا نشكر كل جندي للوطن قايم بدور = وكل أخلص في مجاله 00 ما وجد فينا عصاه
وصلاة الله والسلام عالذي مبعوث نور = محمد الحق المبين 00 خصنا فيه الآلة
الشاعر / عوض بن طالب البلوي
