((الموت في سهم النواعيس مدسوس )) روائع الأمير خالد بن سعود
((من روائع الأمير خالد بن سعود ))
هذه القصيده من ثمانية أبيات لكنها عذبه بمعنى الكلمه وأعجبتني قافيتها مما أعطى لقراءتها نكهة خاصه آمل أن تحوز على إعجابكم
ياسعود كانك مرهف القلب حسـاس=غـض البصــر لاشفت غنـاجــة الهــوس
شبه الملاك اللي مثل صافي الماس=مـن شافها غــزة علــى الكبــد ناهــوس
الخـد خـد الشمـس والجفــن نعــاس=والعنق عنق الضبي والجسـم ممسـوس
بالحاظهـا نبــل ينطلــق من أقــواس=والموت في سهم النواعيـس مدســوس
تفتق شغاف القلب وتــرج الأنفــاس=أسرع من البراق وأرهف من الموس
أحـذر تناظرها تـرى الشـوف حباس=ياما سجن قبــلك من النــاس محبــوس
لاهيــب لاتـرحــم ولاتـــاوي النــاس=تدعس على الوجدان ياسعود وتــدوس
ترى البها يحرق مراهيف الإحساس=حرق الفراشة في وهج نـار فانــوس
