هــمــســة عــواطــف
عشقي خفي واخفيه عن كل مشتاق= عشق بدوي مابين عاشق ومعشوق
ياليت قلبي ماعشق يوم واشتاق= الا لشوفه يهتف القلب ويتوق
ينام في عيني ويسهر بالأحداق= يسكن معي في ليل هتان وبروق
مرة معي واحيان ضدي ولا باق= بعده وقربه خوف من خاف محقوق
ينثر علي اشجان وردة والأوراق= ياخذ بدلها قلب شاعر وطاروق
إن غاب عني قلت باقي بالأعماق= اشوف زوله كل مالاح مخلوق
ادري لنا قلبين والكل تواق= قلبي وقلبه قلب واحد بمعلوق
إذا خفق عندي بعد ذاك خفاق= همسة عواطف دم قلبين وعروق
من حد عرفي لاق زوله وما لاق= إلا بعيني يهمس الشوق ويلوق
من حب حب ولا يفكر بالأوفاق= يبقى عزاه اليوم في خاطري شوق
لا شك بين الناس توفيق واوفاق= يكفي شعور الحب ومخايله فوق
همسة عواطف من مشاعر وترياق= حب تمكن مابقى لوعته ذوق
محمد ظاهر الميهوبي
