(أمة الاسلام)
من هو اللي ما بكى من دمعة الســنيوره
من يـــلـــــومـه يوم يبكـــي على لبنــــــــاني
راح شـــــعـــبــه ضحــــية دولــة مغروره
من يلومه يوم يبكي على الأطفال والشيباني
دمروا لبنان كله عمايره وجـــســـــــــوره
وهدموا فـــوق العــــوائل طايل العمـــراني
قتلوا أطفال وشــــيـــوخ أمة المعمـــوره
أمة الاســـلام يهتك عرضها والعيون تعاني
كم بكت مسلمه في صـــور ولا الــــدوره
وكم بكت مسلمه في القـــدس ظلم الجــانـي
والله أني مانسيت محمد الدره الأسطوره
كلمة قالها عبد الله الحاكم الانســـــــــــاني
لعبة اسرائيل فينـــا مثل لعــــب الكــــوره
شاتها رونالدوا ولا شاتــــــها زيـــــــداني
خلـوا الارهاب حجةٍ والحجج مدحـــــــوره
كم سنه خلو لنا الارهـــاب طلق عنــــــاني
من يدافع عن بلاده انشروا له صـــــــوره
قالـــــوا ارهابي بسرعه هاتوا السجــــاني
أمة الاسلام أمةٍ بالوحــــــــي منصــــــوره
قالها الله في كتـــــــــابه منزل القـــــــراَني
ينصر الله من نصر دينه وحكم شـــــــــوره
بشره بالامن بالدين والنفس والأوطـــــــاني
