أحس في صدري من إسبـوع ظيقـه
والحزن ؟؟ له بجفون عينـي مـواري
وبجوف قلبي شي !!! كنـه حريقـه
وذا الثلاث .. تقول .. أنـت اختيـاري
من بيننـا حلـف وصداقـه عريقـه
ولا أفكـر إنـي أسـحـب قــراري
أبغي الـى بـار الصديـق بصديقـه
وصار الصديق من الصداقـات عـاري
فلايهـا مـثـل الـذيـاب المويـقـه
مـن رجـم تبغـي واردات الخبـاري
تويق .. ويق اللـي بيسـرق رفيقـه
على صدر رجلن على الحزن ظـاري
أربّهـا ؟! تآآآكـل فــواد يعيـقـه
البعد .. واللي يجيـب للبعـد طـاري
دامك كـذا .. يابـو مشاعـر رقيقـه
تشـوف حبـي لـك يطمـن وقـاري
وتـود هـدم العشـق بأيـة طريقـه
تبغي مسـارك يختلـف عـن مسـاري
تقول .. كلـن لـه قدمـه وطريقـه
والله يعـيـن مبـعـدات المـسـاري
ولاتلتفـت خـل الخطـاوي طليـقـه
يلين .. أنسـى شـي إسمـه مشـاري
لحوووول !!! ؟؟ لكن دام هذي الحقيقه
إسر وأنـا بجمـع دموعـي وسـاري
بصرك .. مع إن البعد ذا مـا أطيقـه
لكـن أبيـك تكـون مــدرك وداااري
إن العشيـق اللـي يبـور بعشيـقـه
كـنـه يـكـرم ناقلـيـن الـمـزاري
يامرثـع (ن) فقلـوب ثلـث الخليقـه
أرثعت بي .. من عقب ماحن كناري ؟!
خليتنـي حتـى الحكـي مـا أطيقـه
كني بدون لسـان .. فـي عقـر داري
والدمع مـن عينـي فبعـدك يريقـه
مزحات إبن عمي .. وترحيب جـاري
وبستان قلبي لـك .. حديقـه حديقـه
ألوانها خظر .. وغـدت شبـه نـاري
أنا غلطت .. إن كان تبغـي الحقيقـه
وأبعتـذر لـو مـا قبلـت إعـتـذاري
كلي عـذر .. عـذر رفيـق لرفيقـه
إن كاننـي مهمـل بـك ومــا أداري
وإن كاننـي سجيـت منـك دقيـقـه
لاني ببن مرعـي .. ولانـي مشـاري
