الله من قلب نهيته ولا طاع
الله من قلب نهيته ولا طاع = يلعب به الهاجوس لعب المنازيع
متحير بامره غدى شمله امزاع = صبر جميل ويرجع القلب ويطيع
قفى تجره خاضبت روس الاصباع = ام الثمان الضيقات اللواميع
خلي من الخفرات ماهيب مهباع = ولا هي من السرد الطوال النعانيع
وقرونها من فوق الامتان شراع = مثل العسب فوق الودايا مهانيع
بطن العسيف مجاذبت طول الابواع = ركابها دايم يتل المصاريع
ما شذبت بالزود طراف الاكواع = لا صكن العيرات تسبق على الريع
لا شفت زوله يوجف القلب مرتاع = لو ما حصل لي من قباله منافيع
عيوابها عني قليلين الاسناع = اسباب ساس البغض ماهم طماميع
ادعي عليهم والدعا حذف مقلاع = اعو معي عسى تصيب المقاليع
ارجي عساهم من الروس الاشعاع = ذرية من محكمات المصانيع
دخانها مثل القبيسي اليا انداع = تاخذ على طرافهم بضع اسابيع
تلقا الاوادم هاجمين وصراع = بس الجماجم كالزبيدي مصاليع
والا عساهم مزنة نوها ماع = من مزنة ينزل بردها صواميع
عديمة ما ضاح به شوف لماع = يسوقها الغربي وشرقي روابيع
ينكر هواه ومزنها يضرب القاع = ترمي عليكم كبر روس المرابيع
يسج فيها القلب منهم ويرتاع = منها تضيع افكارهم والمراميع
يعذر بغالي سلعته كل طماع = وتذهل عن المرضع قلوب المواضيع
تأخذ ثلاث اسبوع والمزن ماماع = والسيل حاير ما لقاله مطاليع
واليا غدو مثل الطفل والنسم ضاع = يفتح لهم بالقاع درب وبواليع
هفت غريق الموج من غير مرجاع = من فوقهم سبع الاراضي شواميع
تضرب بهم صف على كل الانواع = وتشهر بهم كل المحطات وتذيع
الشاعر/ خالد بن عقاب الكسر العتيبي،،
هذه مشاركتي الاولى في منتدى قبيلة بلي وعساى ان تحوزعلى رضا الجميع
ودمتم سالمين// اخوكم/ طحيمررر :rolleyes:
