سليمان بن صامل الوثر وسليمان السييد(وثق)

سليمان الوثر شاعر كبير سريع الرد وله قصائد رائعه ذات معنى..في احد المرات سير على سليمان بن عوده السييد بعد غياب طويل عن الديره وسأله عن اسماء جبال مقابله لهم (السنفه- اللحايين) فقال سليمان السييد هذه الابيات:

هذي هي السنفه وسيل اللحايين=حتى الى انه ضاق صدرك تجيني
ان كان لك ديره ومرباعها زين=انا كمان اشوفها مثل عيني
عند الربوع اللي على الجود عجلين=وجيه لو شان الدهر ماتشيني

ورد عليه سليمان الوثر:

خبرتها يوم المواتر بعارين=قبل الكهارب واختلاف السنيني
يوم القلوب اصحاح والناس زينين=والزوم ماخيم على العالميني

ومن الابيات الفكاهيه للشاعر سليمان الوثر يقول مخاطبا بندقه:

يابندقي بالمحط الزين=تريحي عند دربيلي
حطيت ثالث مع الثنتين=وهذا هو اول غرابيلي

ابو ناصر
الحمدلله على السلامه
فقدناك يالغاالي
وتسلم يمناك على القصة والقصيدة
لاهنت
.

يعطيكـ الف عافيه
على هذه الدرر

قاسم القويعاني

كاتب نشتاق الى تذوق القصص من قلمك دائمن
وهذه المره طولت علينا
وننتظر منك التواصل في الابداع

>>

ابو ناصر من طول الغيبات جاب الغنائم

والله اشتقنا لتواجدكم معنا ...

دائما متميز ...وبصراحه انت كنز تراثي

دمت بخير يالغالي

تسلم يا الغالي

افتقدناك كثيراً

لا تحرمنا هذا التواجد ..

و شكرا لك أخي الفاضل ..

الله يعطيك العافيه اخي قاسم القويعاني