-
( قلـــــــــــــلــــــــــــــة أدب )
إنك تروح للمسجد بملابس رياضة أو قميص نوم بينما تروح لأخوياك بثوب مكوي وشماغ يقطر ( نشاء ) وطيب يشق الخشم !!!
(قــــــــــــــــــــلـــــــــــــــة أدب )
إنك تتصل على خويك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك
(قــــــــــــــــــــلـــــــــــــــة أدب )
إنك تقعد بصكة بلوت ورى الثانية حوالي 4 ساعات أو أكثر بينما أمك عجزت تبي تقعد معك نصف ساعة !!!
(قــــــــــــــــــــلـــــــــــــــة أدب )
إنك تشخص وتضبط شكلك عند الإشارة إذا شفت بنت بينما إذا شفت ( شنبات) عادي تلعب بخشمك !!!
(قــــــــــــــــــــلـــــــــــــــة أدب )
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت \ مانيب فاضي
(قــــــــــــــــــــلـــــــــــــــة أدب )
إن شيريهان تسوي عملية والجرايد والقنوات ( تصجنا ) وتسوي مناحة بينما الشيخ السحيباني يقتل ونصف العالم مادروا !!!
(قــــــــــــــــــــلـــــــــــــــة أدب )
إن اللاعبين والمطربين يكرمون ويغرقون بالخيرات بينما المشايخ ربك يستر ماينسجنون !!!
(قــــــــــــــــــــلـــــــــــــــة أدب )
إن الواحد يضبط ساعته على الدوام بينما صلاة الفجر مايدري متى وقت أذانها !!! أخف شرا إنك ماتضبطها أبد
(قــــــــــــــــــــلـــــــــــــــة أدب )
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بثلاث ريال ولو يهديه واحد شريط إسلامي سجل عليه ( بابا فين ) !!!
(قــــــــــــــــــــلـــــــــــــــة أدب)
إن الواحد يشوف ( قلة الأدب ) ولايقول عنها ( قلة أدب ) :rolleyes:
-
ليش ما رديتوا
والله انه صادق وزياده قلة حياء وتربيه
لا .. وفيه واحد قابل خاله بعد مده طويله و سلم عليه بدون يقبل راسه و سالناه ليش
كذا يا فلان ؟ قال ... اوف هذي حركات قديمه !!
بذمتكم هذي ... تربيه؟
-
أحم أحم
تحياتي لك أخي البلوي شكرأ على هذا المووووضوووووع
بصراحه إحراج
بس فيه وحده أبغى أعلق عليها
وش تقصدين يابائعة الريحان صك البلووووت
