الطيب اليوم بعض الناس يطمع في جنابه

قصيدة الشاعر حسن عبيد السرحاني في احد ابنائه :

ياعبيد اناديك باسم الذيب وابغى تسير لي ذيـب=ان كان ماسرت ذيب اكيد تاكلك الذيابــــــــه
الذيب يعدي وثم يطل في روس المراقــيب =وان شاف له فرصةٍ درب المخاطر ما يهابه
عشاه روس الغنم وان عاظبة حرش العراقيب=ما يسير ذيب يدور للعشاء وامس العشابه
ياعبيد خلك ذهين وخل فيك الخبث والطيــب =الطيب اليوم بعض الناس يطمع في جنابــه
احرص اتعير عيارًا يدوش السامع ولا يصيــب=والسيف لا جاء لزومه سل سيفك من نصابه
واحرص تخيل المخيله وانت في ديار الاجا نيب=كم واديًا جاك سيله والسبب قطعة سحابـه
ياعبيد انا اركزت ساسك والرجال الها مواجيب =من قام في واجبه محدٍ يذمه في غيابــه
محدٍ يضيمك الى انك قلت ربعي يالمواهيب=يثنون دونك هل الحيزاء فواريس الحرابـــــه

عبيد السرحاني

عبيد السرحاني ،،

الله يعطيك العافيه لاطلاعنا على هذا القصيد الجزل ..

صح لسانك ولسان الشاعر الجزل .. حسن عبيد السرحاني

سلمان العرادي

عبيد السرحاني ..

سلمت يمينك .. والله يعطيك العافية .. على هذا لنقل ..

وصح لسانك ولسان شاعرنا ..حسن عبيد السرحاني

.

لك مودتي

عبيد السرحاني يعطيك العافيه وصح لسان
ابوزياد

http://www.alamuae.com/gallery/data/media/123/0464.gif

عبيد السرحاني

يعطيك العافيه على نقل هذه الأبيات الجميلة
وصح اللسان
شاعرها

حسن عبيد السرحان

http://www.alamuae.com/gallery/data/media/123/0465.gif