الفلوس تروح والسوالف تبقى

>:|for you|:>مصافحة>>:|for you|:
بسم الله الرحمن الرحيم
السلام عليكم ورحمة الله وبركاته..
إخواني الأعزاء بعد غياب طويل وبعد أن توقف قلمي عن الكتابة لفترة... ولكن قلبي لم يتوقف عن ذكركم أعود لكم وكلي شوق للقائكم ..فشكرا لكل من سأل عني وافتقدني...

///////////////////////

الفلوس تروح والسوالف تبقى..!!!

هذه المقولة سمعتها من خالي نقلاً عن جدي ((رحمه الله وأسكنه فسيح جناته)) ومعناها أن الشخص حين يأتيه ضيف ويكرمه قد يدفع جزء من المال وقد يكون هو بحاجته ولكن فضل أن يكرم ضيفه امتثال لحديث الرسول صلى الله عليه وسلم: "من كان يؤمنُ بالله واليوم الآخر فليُكرم ضيفَه" [رواه البخاري ومسلم].

وبعد أن يعود الضيف من عند هذا الشخص وحين يسألونه جماعته عنه.. يمدحه ويشيد فيه ويذكره بكل خير..

ولكن ماذا لو لم يكرمه وشح في ذلك؟؟؟

سيعود ذلك الضيف من عنده وينقل عنه صورة سيئة تجعله محط سخرية واستهزاء من الناس!!!

:::::::::::::::::::::::::

وهنا أذكر قصة قديمة تتحدث عن الكرم
سمعتها مفادها
ان واحد ضاعت نياقه وراح يبحث عنها وبعد ما مشى مسافة طويله وحس بالتعب شاف قدامه بيت شعر كبير.. واشتاق للقهوة والراحه وراح يم البيت ولم وصل طلعت حرمة راعي البيت وحيت فيه وقالت له اقلط قال ماراح اقلط اذا الرجال ماهو فيه قالت له الرجال موجود ويجي هالحين ..وقلط وقامت وشبت النار وراحت يم شجرة قدام البيت وسمعها تصيح على واحد متمدد تحت ضل الشجرة وتقوله
قم شوف ضيوفك
قم أكرم ضيوفك..
وهو يهاوشها انتي خسرتينا انتي كل ماجاء من ضيف حييت فيه..
وبعد شوي جاء الرجال ووجه ماش ورحب فيه ترحيب بارد وسوى القهوة..وبعدها نادته حرمته وقالت له عش ضيفك وسمع الضيف هواشهم ((لكنه كان منحد عليهم)) وبعد ما تعشوا وامرحو قام الصبح ومش الضيف من عندهم..وراح يدور هنا وهناك لين وصل لبيت شعر كبير ولق هالرجال اللي يرحب فيهم ويحي فيه هلا ياهلا تقضل يالله تحييك وشب النار وسوى القهوة وقام وذبح له خروف ودخل عند حرمته وقال له اطبخي لنا
وهي تقوم تقولة انت تعبتنا انت ماجاء من ضيف وانت ذبحت له
وهو يقول له استرينا يابنت الناس لاتفضيحينا مع الضيف...ولما اصبحوا وتقهوى وبغى يمشي من عنده قال الضيف ياوالله الفرق!!
وسمعه المعزب وتبسم..!!
قال المعزب وش السالفة ياضيف لايكون قصرنا معاك بشئ والا ماقمنا بحقك
قال الضيف لاوالله بيض الله وجهك لكن انا جيت لي قبل يوم عند واحد بالمكان الفلاني ولقيت عنده حرمة نشمية وهو بارد
وودي اني أجيب هذيك المره وأعطيك اياها واخذ مرتك واعطيه للرجال هذاك..
ضحك المعزب وقال لا خل كلن في مكانه
الرجال اللي انت جيته هذاك نسيبي
والمره اللي معه ((اختي))!!
والمره اللي عندي اخت ذاك الرجال!!!

:::::::::::::::::::
بختصار...
ان الشخص حين يقوم بواجب الضيف فأن الله يسهل أموره وييسر له من يخدمه وحتى لو كانت ((الغنم غالية)) فأن الله يقدر الشخص على شرائها والقيام بواجب الضيف..

والكرم ليس بالمال فقط بل بطيب الاستقبال وبالترحيب الحار وببشاشة الوجه.
إإإإإإإإإإإإإإإإإإإإإإإإإإإإإإإإإإإإإإإإإإإإإإإإإإ إإإإإإإإإإإإ
ولكم شكري وتقديري
اخوكم تواصل

والكرم ليس بالمال فقط بل بطيب الاستقبال وبالترحيب الحار وببشاشة الوجه.

صدقت أخي هذا هو قمة الكرم ، أما من يقيس الكرم بالطعام فمن وجهة نظري أنه قاصر النظر .

أخي الكاتب // تواصــــــــــــل ...


في البداية عوداً حميداً لمنتداكم


و بخصوص ما ذكــــــــــــرته بالتأكيد أخي الكريم أن كل شيء يفنى و لا يبقى


إلا الذكر الطيب و العمل الصالح و التي تندرج تحته شيمة الكرم و حسن الضيافة


و كما أشرتم أن الكرم ليس بالمال فقط هناكَــ ما هو أهم.... الخلق و التعامل



تقبلوا خالص تقديري .

اهلا بعودتك

وفرصة طيبة ان نلتقي هنا بهذا المنتدى

قصة جميلة وفيها حكمة

تبسمت في آخر القصة بدون قصد

........ شكراً ........

السلام عليكم ورحمة الله وبركـــاتـــة
الكرم من واجب لكل ضيف والرسول أكرم الكرماء