قصيدة مجهولة مرسله لي على الايميل ولم أعرف من هو صاحبها إلى الآن
أخذت فترة طويلة وأن أبحث عن هذا الشخص الذي ارسل لي هذه القصيدة
ولكن لم أجده فحبيت أن أنقل القصيدة إذا يعرفه أحد أتمنى أن يخبرني
يا سعود شوف الحزن باليني يا سعــود ** وشــوف الهمــوم سكـــنت في حنيــنـي
الجـســم ناحــل حيــل صـــايـرٍ عــــــود** والحـــزن ليــــلٍ ســـاكنٍ وســـط عيـني
جتـني مصــايب كــود بركـــود بركـــود**مـدري من الأقـســى ومن اللي يــلــيني
ثــلاث شهـــور بيــن ياعــــل ويا كـــود**والكــف حــــايـر في كــآبــة جــــبيـــني
الدمــع كحــلٍ خـــاط في خــدي شهـــود** والصـمــت والعــزلــة تــرى مرافـقيـني
فـرحــي يتـــيم وما سكــن غير اللحــود**فالمـــقــبرة فرحــي صـــرخ أكــفنيـــني
وقـفــت فــوق القـبـــر أنـطــر لـه ردود**وأثـــر الفـــرح ولـى مـاعـــاده يبــيــني
تـراقــصـن الجـــروح على دقــة العــود**وأثــــر الخـــلايق كلــــهم مستغـربــيني
جــو العـــزا يعـــزون بالفـــرح مفـــقود**أثـر البـشـر عـزوا الفــرح في ســنيـني
عــليـت نـوحـي والبــكا زدت فيـــه زود**وقـلــت الخـــطا مـنـي فعــلتـه بيمــيـني
وقـلـت الخــطا يوم العـشـق حي مولـود**عــفـتـه وذبـحـتـه والله ابصـنع ايـديـني
وقـلـت الخــطا يوم الرجــا فيك موجـود**تراجعــت اخــطاي عن حـــب ضـنـيــني
والمــوت ماأصون عهد ولأاحفظ وعود**وخـنــــت الهــوى في ليـلــةٍ لي تديــني
ما ألــوم قلبــك لـو أخــذت منــه صـدود**ما ألــوم عـيـــنـك لـو تعـيــي تجـيــــني
ما ألــوم وقـتــك لـو سـقى السـم ببـرود**ما ألــوم حـبـــك لـو عـيـــا يحـــويــــني
ما جـيتــك أشكـي همنـي كســبٍ وفـــود**وما جــيت لك أشــكـي أبيــك
تحـمـيــني
مانـي ضحـيـة لا أنا الجــاني يا سعـــود**وأبـيـك تـدعـي لـي عـسـى الله يهـديـني
