"... الحظ لامن نوخ الحزن بإركابه ..."
ياسيدي مرحوم والنود غلابه =كم راح فيها من عريبين الانسابي
ايا بوفيصل دمعت العين صبابه = وانا ان بكيتك سيدي ليه اسبابي
عليك قلبي صايرن كنه اذوابه=تلعب عليه الهوج من خافض او نابي
عز الله انه راح من دنيتي لابه =او عزالله اني فاقدن خيرة احبابي
يذوب قلبي ذوبة الشمع من مابه = من فوح نارن بالمعاليج لهابي
ياسيدي دنياي ماعاد جذابه =وش لذة المسرى والاشعار واكتابي
الحظ لامن نوخ الحزن بإركابه=وش حيلة المخلوق في حظه الهابي
اليوم انا مريت حيدن تعدى به =اوصاني ان ارقاه او همي توصابي
قمت اتذكر كل قوله او ترحابه=طواح فكري كن الامواج تعلا بي
امواج فكري كنها امواج حسابه=شاشات ماضي لونت راس مرقابي
حزين والدنيا للاهوال جلابه=وش حيلتي والحظ ماابكنفها طابي
ياسيدي ماالروح تبكيك كسابه=النفس عن مراد بعض العرب تابي
بكى الشمال اللي تفييت بهضابه=ونجدن بكت بدرن من ابدورها غابي
وياسيدي مرحوم والنود غلابه =كم راح فيها من عريبين الانسابي
رد: "... الحظ لامن نوخ الحزن بإركابه ..."
غازي الميهوبي بارك الله فيك
وقصيده جزله وفيها من المعاني الكثير
رد: "... الحظ لامن نوخ الحزن بإركابه ..."
رد: "... الحظ لامن نوخ الحزن بإركابه ..."
صح لسانك ياغازي
قصيدة وإبداع
تحياتي لك
ودمت بخير
رد: "... الحظ لامن نوخ الحزن بإركابه ..."
غازي
صح لسانك ورحم الله
ابوفيصل
ودمت بود
عبدالله
رد: "... الحظ لامن نوخ الحزن بإركابه ..."
شيهان الـنــــــود ..
لله درك من شاعر جزل يطربنا وتحفنا بمعانيه ..
أطيب المُــنــى ،،
سلمان العرادي
