يا ركبا من عندنا جمسا اسرد جمسا جديد ولا وطته المكده
وليا دعس لفيلتره تقل يطرد اقفى تقل خفر السواحل تحده
كنه مهرب و المهرب مهدد فالقتل تابيد السجن ما يسده
حمل على الماخوذ حشيشا اسود فعله قبيح ولابه احدا يوده
عليه قوات السواحل تشدد تنطحوه بسهلة مجرهده
عطوه فيها حول خمسة عشر رد وتله يبي من حيث ما جاء يرده
كبس لا بنصه واحتما العلم واشتد واللي بطبلونه امبيرد يعده
يوم ارهو انه راح ما عاد يرد جات الاوامر بحرقانه بشده
عطو خبر لمسدد الرمي سدد خبط على الاخمس وهزه ومده
وراح يتصرم فوقه الموت الاجرد شعال ويشوفها من عند خده
يصلاه بالرشاش قرما مسدد هذي هفت من دونه و هذيك قده
وقام يتعزوى يوم صارت معاند وتساون الثنتين ما عاد وده
وصكه بثالث و انتهض فوقه وارتد ولك وكز وفز و الحزم قده
ولحم لبنزيمه بثالث وصرد عده يطير من الحوم فوق شده
رقوه لتسعين كيلو ورى الحد مع سهلتا حمر المرو فوق شده
فوقه شجاع معرب الخال والجد عليه من وقتد محفه وضده
ما هو براعي شين لاكن محتد والوقت له على المناعير صده
قصيدة من القصايد التي قيلت في الجمس (( لا احد يفهم خطا ))
