ياليال العمر روحي مابقالي فيك حلي =وخوذي الذكرى معاكي زايدن تسعين حيرهالشاعر :
ليش أعاتب ياليالي دام وقتي ماصفلي= ودي أنسى حلمي الأول وأعيش بحلم غيره
كنت أحسب أن المعزه تستمر هي والتغلي =أصبح المكتوب يسري دون مانقطف عبيره
لاسمعت اللي يسولف قلت خلي ثم خلي= ولانكشف ستر العباه تصير مدتها قصيره
ارد أعدودن تروى دام عدي مضمحلي = كل ماقلت بيجم العد واتهنى بخيره
لازما موياه أصبح كل معقود يفلي= كل واحد منهم مردف يبي سقيا بعيره
من يقدر موقفي وأنا وضعته مثل ضلي = لاسريت أسري معاه ولا وقفت أقف نظيره
لا سمعت أسمه أجيله مندفع بالشوق كلي =حالمن قربه ولا دري كيف أوقف في مسيره
بين هيبه وبين رغبه وبين شين له اجلي = الحيا بعيونه الثنتين وسيوفه شطيره
من صدودك من عذابك والله أن القلب ملي = خاف ربك دامنى حيين والدنيا حقيره
حمود سالم السميري
