فــاتكــ قـــطــــاري
فاتكــ قــطـاري
فاتكــ قطاري
فاتك قطاري والأمل في رجوعه = أصبح محال وحيلتي ماتردّه
.=
قلبي رقيق .. وزاد نفسي خضوعه = لا شك ذا حكم القدر .. مين ضدّه
=.
خلك على ماصار نفسك قنوعه = وجميع مالي في ضميرك تهدّه
.=
غيري وغيرك .. مامشي حسب طوعه = فعل القدر .. عما .. نوى القلب ردّه
=.
بيني وبينك .. ماضي الحب روعه = أصفى من الماي النقي جوف عدّه
.=
يوم الهوى العذري .. مضيئه شموعه = في منتهى العفه نصيغ المودّه
=.
واليوم مالي مدهلٍ .. في ربوعه = عندك خبر .. لي عن ضواحيه مدّه
* حماد ابو شامه
