قصيده مهداه الى الوالد العزيز/ عبدالعزيز بن عبيد بن منقره

بسم الله الرحمن الرحيم
بديت باسم اللي بيده المقادير=ربا خلق هالاْرض وارسى الجبالي
ربا لامره يذعن الاْمر ويصير=الكامل اللي وافياً بالكمالي
وعقبه على اللي نور الدرب تنوير=صلاة اله عالماً بالحوالي
سلام للي له محبه وتقدير=شيخ الشرف والجود بالقلب غالي
الخير في مسعاه ومسعاه به خير=شيخاً مقامه مرتفع فوق عالي
مليون نعماً عقبوه المغاوير=ارجال الشجاعه بالشجاعه ارجالي
والنعم ابو فرحان مافيه تقصير=عبدالعزيز اللي رقا للمعالي
مابه غرابه منقره من المشاهير=يتلى ابو فرحان مهو بتالي
بالطيب مهو حاسباً للمخاسير=جزام لفعل الطايله مايبالي
يخونني في حضرته كل تعبير=مزبن ابوفرحان وظله ظلالي
في مجلسه تلقى النشاما مسايير=مابين ضيف وجار وعما وخالي
الى نصيته مايعرف المعاذير=تليق في مدحه بيوتاً جزالي
اليا لفاه الضيف يلقى التباشير=مدسماً شواربه بالعدالي
لو مامدحته مادحه قبلي الغير=الشاهد الله صادقا في مقالي
يبقى ابوي وله محبه وتوقير=انا من عياله وقدوة اعيالي
يالله تصونه من شرور ومعاثير=وتمد في عمره سنيناً طوالي
وختامها صلاة من يبعد الضَّير= على النبي اللي اْمر بالحلالي
ابنك الشاعر
خميس بن حمد ابوذراع البلوي

خميس الله يعطيك العافيه على القصيده وربنا يحفظ والديك آمين
وفعلا من اصدق المشاعر هي التي تحاكي الأب والأم
تقبل مروري اخي المتواضع

ابوذراع

قصيده جزله في رجل جزل

بيض الله وجهك

ابو فرحان يستااهل,وولد اخو زومه مافيه كلام


وصح اللسانك

7
7
7
7

خميس


صح قلبك ولسانك ..


تبقى شهادتي في خالي ابو فرحان / عبدالعزيز عبيد منقره مجروحه ..


لكن يبقى هو رمز من رموز الكرم والطيب

وعلامه من علامات الأصالة في القبيله ..



الرجال تعد وتثني على طيب الرجال

وهذي القصيده من طيبك وطيب معدنك يا بو ذراع ..


دعواتي لك بالتوفيق


.

خميس حمد ابو ذراع

صح لسانك .. وعلا شانك .. على هذة القصيدة .. الذي ليس بغريب عليك ..

فــ عبدالعزيز بن عبيد بن منقره يستاهل ..

/

صح الله لسانك

جزلة بلا شك

من راس جزل