حـمـيدان الـتركـي .......
ساره * تقول أتصبرو ياحميدان = وحنا نقول أصبر كما قول ساره
الصبر طيب مالقينا له أثمان = ولا بد تجني يابو تركي ثماره
مادام قلبك ممتلي كله إيمان = صبرك بتال الوقت ماهو خساره
يفرج لك اللي فارضاً خمس الأركان= منجي نبيه / وابو بكر .. بغاره
مابيننا قربه ولا عيال جيران = ايضا ولا حنا سكنا بحاره
لكننا في شرع رب الملا أخوان = أخوان في حلو الدهر والمراره
عز الله إني ياحميدان زعلان = وأوجس بقلبي يابو تركي حراره
ومالي محايل يابو تركي ولا شان = اليد قصيره والمصايب كباره
لكنني دايم معك قلب ولسان = لو إنني ماقدر لكم بالزياره
وبعد الولي ننخا سلايل كحيلان = مطوعين اللي براسه سطاره
حكام نجد مطوعة كل غلطان = اللي يعاديهم يدور دماره
تكفى يابو متعب نبي نظرة إنسان = يامزبن اللي قل معه اقتداره
وتكفى يابو خالد يابا الخير سلطان = سموك باسم الخير ضو المناره
أنتم سعد للشعب في طول الازمان = البدو واللي ساكنين الحضاره
ياللي لكم في قمة المجد عنوان = أنتم ذرا للشعب وأنتم استاره
يحفظكم الرحمن من كل عدوان = لمكه وطيبه والمواطن وداره
وصلاة ربي عد ماهل ودان = على نبي الخلق راع البشاره
رد: حـمـيدان الـتركـي .......
الشاعر : فالح عايض السميري
من عرفتك وانت شاعر جزل ومتمكن ولا تاتي الا بالجزل
سلمت وصح لسانكـ ....... يابو عمر
رد: حـمـيدان الـتركـي .......
فالح
.
.
وقوف مطول امام هذة الشامخة التي لا تاتي الا من امثالك
قرائتها مراراً وتكراراً .. وبكل مرة اجدني انشد الى اعادتها
.
فكرة راقية .. وابداع ليس بمستغرب عليك
فسلمت يمينك .. ودمت بود
.
.
وفك الله اسر حميدان التركي ..
.
محبك
رد: حـمـيدان الـتركـي .......
يا فالح كفيت وفيت في هذه اقصيده الجزله وتقبل مروري
رد: حـمـيدان الـتركـي .......
الشاعر الرائع
فالح عايض السميري
صح لسانك وسلم بنانك على هذا الروائع ونسأل الله عز وجل ان يفك اسر اخونا الغالي حميدان التركي
وكلنا نقول تكفى يابومتعب وتكفى ياسلطان
وبعد الولي ننخا سلايـل كحيـلان=مطوعين اللـي براسـه سطـاره
حكام نجد مطوعـة كـل غلطـان=اللـي يعاديهـم يـدور دمــاره
تكفى يابو متعب نبي نظرة إنسـان=يامزبن اللـي قـل معـه اقتـداره
وتكفى يابو خالد يابا الخير سلطان=سموك باسم الخير ضـو المنـاره
أنتم سعد للشعب في طول الازمـان=البدو واللـي ساكنيـن الحضـاره
رد: حـمـيدان الـتركـي .......
صح اللسانك ...
للاسف قضية حميدان ضجه بالبدايه واستسلام في النهايه زي المقاطعه الدنمركيه ...
ياليت تتحرك الحكومه السعوديه بأسرع وقت لتعيد الاب للبناته ....
فالح السمري
شكرا لك
