توقعت احصل فيك شئ (ن) ولاهو فيك
توقعتك عن كل الأصحاب تغنيني
توقعت ماابيعك بعد مابغيت أشريك
توقعت وان باعني الناس تشريني
توقعت ماتخدعك نفسك ولا تغويك
توقعت تشقى معي ماتشقيني
توقعت تسمح لي لو ازعلك أو أرضيك
توقعت لو يزعلني الوقت ترضيني
توقعت قبل اطلب وصالك وقبل أغليك
توقعت تمنى وصلي وتغليني
توقعت لو انك تبي البعد مايمديك
توقعت ماترحل قبل لا تعزيني
توقعت جهلك مايغرك ولايغويك
توقعت تاخذني معك ماتخليني
توقعت تخلص وأنت مخلص بلا تشكيك
لاكن جميع الناس ماعاد تعنيني
تقبلوا تحياتي بقايا انسانه
