السلام عليكم و رحمة الله و بركاته
لا تتجاوز ان تكون محاوله .........
سرى بي الهم يا يمه على مركب بليا شراع **** و موج البحر يلعب بي و همي ساريا بيه
و انا توي بهالدنيا و اقاوي وقتي الطماع **** و اشوف المرقب العالي و اقول اجيه رجليه
و لا مني سمعت اللي يقول الوقت باغي سباع **** اصيح بصوتي العالي زعيم سباع بريه
اضم الهم في صدري و اقول ان الامل ما ضاع **** و انا والله دفنته يا بعد روحي و عينيه
اكابر على جرحي و على حزني لبست قناع **** و ابين ضحكة مره تغر اللي نظر بيه
انا المطعون من وقتي وبي من الهموم انواع **** وصار الهم ياخذني على الروحه و بالجيه
مشيت و طال مشواري على درب الهوا الخذاع **** و شفت قبور احلامي عليها حجار مرميه
الا يا قلبي اللي ممتلي في داخله اوجاع **** تحمل قد ما تقدر الين تحصل الفيه
الا يا رجلي الماطى لو انه شوك طب القاع **** و الا يا دمعتي جفي قبل لا تلفي السيه
مصير الوقت و الدنيا تجاوب صرخة الملتاع **** مصير الفرحه تلفيني و ولو باحلام ورديه
مدام امي وكفيها لدربي يا عناي شعاع **** بتنفرج باذن الذي بيديه رزق الطير والحيه
.
.
.
والله الله يا خبراء التشريح لا توفرون مشارطكم
ودمتم بود
