يوميات زوجة متقاعد وصديقتها ( مع قصايدهم )

يوميات زوجة متقاعد وصديقتها ( مع قصايدهم )

--------------------------------------------------------------------------------

المتقاعدين يكون عبئ على زوجته وأطفاله

فبعد ما كانوا يتمنون الجلوس معه ويفرحون بإجازته

أصبحوا يتذمرون من جلوسه لهم بالمرصاد وتدخله في

كل صغيرة وكبيرة

بل البعض من المتقاعدين نقل جو العمل وتعقيدات

الروتين إلى منزله حتى أصبحت الحياة معه لا تطاق

ولا شك أن هذا من الفراغ الذي لم يحسن استغلاله

ولكي نصور هذه المعاناة جعلناها في قالب الشعر

الفكاهي أو ما يسمى بالمللوج

فتصورنا أن احد النساء افتقدت جارتها فهاتفتها وجرى بينهما هذا الحوار:

قالت الجارة:

وينك يختي ما جيتينا <> ومن زمان ما قهويتينا

عسى منتي نسيتينا <> او زوجك مجاز وقاعـد

قالت زوجت المتقاعد:

أبداً ما نسيتك يختي <> لكن صعيبه مشكلتي

واكبر مما توقعتي <> زوجي من شغله تقاعد

وصاير رئيسٍ في المنزل <> وكلامه أبداً ماينزل

وعلا اتفه حاجه يستنزل <> وبلشنا به هالمتقاعد

ان ناداني جيته اجري <> ورميت ولدي من حجري

ولو اتخر مدري شيجري <> زوجي غيره التقاعد

ردت الجاره:

يختي وش هللي تقولينه <> هذا شيئٍ ما تطيقينه

زوجك طاقاته دفينه <> وشلون يعطونه التقاعد

ترى التقاعد للشايب <> او الشباب اللي عايب

اما هذولى مصايب <> تفنى المره وهو قاعد

لكن استغلي وجوده <> وخلي في المطبخ مجهوده

زوجي اذا عطل اقوده <> ويساعدني لو هو قاعد

مره يخرط لي ملوخيه <> ومره يغسل لي الزوليه

ولو يرفع صوته عليه <> الى غرفي ماهو صاعد

انا اغسل وهو يكوي <> وانا اتبل وهو يشوي

وكل ما اطلب منه يشري <> وانتي خلي زوجك يساعد

ردت زوجة المتقاعد:

انا حظي يختي مايل <> والا شبي بهل حايل

لابس لي عقاله مايل <> ويهدد ني به ويواعد

لا قال لي يابعد حيي <> وش نوحك يفقدني وعيي

والخوف في اوصالي يسري <> وشلون تبينه يساعد

مابيه يساعد بالمره <> من خيره كفاية شره

ليتي اسلم من المضره <> ومن طلباته هالمتقاعد

تقاعد وتفضوى لي <> واشغلني واشغل عيالي

وبعض افعاله ما تنقالي <> وينتصف الليل وهو قاعد

مدري وش معنى زي تايم <> يهددني به وهو نايم

واحلامه في العمل دايم <> وكن رئيسه عنده قاعد

قال لي مره وهو صايل <> عندي لك ميمو تو فايل

وقمت احايل فيه محايل <> وانا مدري وش هو قاصد

مره صاح شبّت حريقه <> ورحنا نركض للحديقة

واثره وهمي مو حقيقه <> طيّر عقلي هالمتقاعد

ومره خذني للهلدي إن <> وسوا لي حفله اتجنن

اثره يسوي له ادراي رن <>و يبي يعرس هالمتقاعد

ذبحني بالبيتي كاش <> حتى بغيت عنه انحاش

افلس و ماعاد فيه عراش <> وعلى الراتب يتراعد

طلباتي في ابلكيشن <> مدعومه بالجستفيكيشن

والله هذي خربطيشن <> و ما عرفنا للمتقاعد

والزبده كثرت حركاته <> وقلت دراهم مخباته

ليته جلس في مصفاته <> وما قدم على التقاعد

من الايميل

تحياتي

السلام عليكم ورحمة الله وبركاتة .... وبعد

... أخي العزيز ... العثماني

... سلمت أناملك لما سطرته لنا من مبادعه جميله عن المتقاعدين ...

.. وأعطيت الف عافيه أخي الغالي على هذا الموضوع ...

.. أبو عادل .. يسعدني تشريفك في هذا القسم .. وابداعك فيه ..


.. تحياتي ... فتى بلي

السلام عليكم ورحمة الله وبركاته

وا فضيحتكم ... يا المتقاعدين ؟

هذي اخرتها ... غسيل وتقطيع

واكيد زوجة المتقاعد تمنى انها بتبوك ...

حتى ياخذ له ( د بــــــــــا ب ) ويريحها

شكراااا ابو عادل

السلام عليكم ورحمة الله وبركاته،،
اخي العثماني
يعطيك الف مليون عافية
بس لا يكون انت متقاعد :o
ولك كل الشكر
وموضوع قمة في الطرافة
ووين المتقاعدين عن الموضوع
وتقبل تحياتي
يمكن غلا

اشكر جميع الاخوان الذين قامو برد علي الموضوع


والي الامام


اخوكم العثماني

يوميات متقاعد


وين المتقاعدين


وين الردود