هذي قصيدة اتمنى ان توصل الشيخ منصور البلوي بسبب الإدعاات الكاذبة ضدة واستقالتة عن ريئاسة نادي الاتحاد
يامرحبا بمنصور القايد الحر = اللي على العـلياء دمه يـفـوري
يحـقـلك ياشـيخ تعـتز وتفـخر = دامك سلايل الدنادين الصقوري
ويحقـلك ياشـيخ تنهي وتامر = ويحـقلـك تـحـكم بـكـل الامــوري
إن جيت للكرم شمالي أشقر = وإن جيت للطيب مافيك قصوري
وإن جـيت لـلـثقافة الله أكـبر = قاري ودارس ثقافات العصوري
إن جيت للرياسه محنك مدكتر = ترسيها فـوق موجات البحـوري
من جيت للرياضة الكل يخبر = من تصفيات المانيا جونا كسوري
وضنا الرياضي بالحيل مدحدر = من جرف بوادي بدحديرة بجفوري
من يـوم استلمتها يالقايد الحر = رفـعـت شـانـها وشـان الــدوري
رجعت روح التنافس وضع معبر = حتى اصبح الكل عليها حضوري
بحماستك وعطاك وفـعلك اكثر = بـذلــت جـهد ونـحـت الصـخوري
على ماسويتة بحق حـيل تشكر = ولايهمك قـول حـاسد ومـقهوري
كــل العـيـون لـنـاديــك تــفـــتر = ودها بضم اسمها ضمن النموري
حتـى صحافة الغرب فيك تفـكر = فـكرك بـالرياضـة بـعـقل دكـتوري
بـعـطيك ردود الـفعل بالمختصر = وإن طعتني ياشيخ اسمع لـشوري
خلك كما الشامخ بالحلو والمر = وش على الذيب من نبح الجعوري
إن جلست تبقى على الروس مقدر = شـخـصـية الـكــل مـنهـا غـيـوري
وإن رحت يبقى لك المجد مصطر = اسطورة الرياضة منصور الاسطوري
