-
انتصاراً وحميةً للازواج المظلومين الذين تحامل عليهم
العضو مداوي
الذي افصح عن كونه من انصار (السحالي ) تسميه رمزيه للنسوان متعارف عليها عند المجتمع الذكور
كما هي تسميه (التماسيح) المتعارف عليها عند النساء كتسمية رمزيه للذكور
وليكن ما يكن وعلى الرغم من المصاعب وربما القلاقل والتهديدات
التى ربما تصل الى فقدان التنفس الطبيعي والصناعي
خذ عندك
تقول الزوجه المستبده لزوجها الاليف
بعد الزواج في الذكرى الستويه
بعد 6 أسابيع : أحبك .. أحبك .. أحبك
بعد 6 أشهر : الحمد لله على القسمه والنصيب !!
بعد 6 سنوات : يااالله .. بليتني فيه خذه يارب
أول ما يدخل البيت :
بعد 6 أسابيع : يا هلا بنور العين وتاج الرأس
بعد 6 أشهر : تو الناس .
بعد 6 سنوات : غريبه وش جايبك بدري اليوم ؟
الهدايا :
بعد 6 أسابيع : شكرا يا حياتي على الخاتم.. يهبل ..
بعد 6 أشهر : وش هذا اللي جايبه خاتم أمممممم شكرا..
بعد 6 سنوات : موضه قديمه ذوقك مررررررررره ...اف
عن الطفوله
بعد 6 أسابيع : أوووه .. كانت طفولتك حلوه تجنن وانت صغير..
بعد 6 أشهر : يا إلهي !! امي تقول انك كنت شقي ومزعج وانت صغير !!
بعد 6 سنوات : الظاهر انك ولدت ومعك عفريت نكد !!
يرن التلفون :
بعد 6 أسابيع : يا روحي .. تلفون لك ..
بعد 6 أشهر : كلم التلفون ..
بعد 6 سنوات :ماهو موجود ...إف
الطبخ :
بعد 6 أسابيع :تدلل ياحياتي وش تبي أطبخك لك ..
بعد 6 أشهر :تبي غدا والا تتغدا برا ؟
بعد 6 سنوات :وش تبي تطفح اليوم والا تتغدا في المطعم احسن !!!
في الإعتذار :
بعد 6 أسابيع : أوه يا حبي .. لا تؤاخذني قصرت في حقك ..
بعد 6 أشهر : خلاص وش سوينا عديها !!
بعد 6 سنوات : وش صار كلنا اولاد تسعه
شراء فستان جديد :
بعد 6 أسابيع : ما أروع ذوقك يا حبيبي ....
بعد 6 أشهر : ماشي حاله وش نسوي ؟؟؟
بعد 6 سنوات : أمممم ياحظي على الناس على تعرف تهدي ؟
مخطط رحله:
بعد 6 أسابيع : وين ما تروح انا معاك اهم شي اني بقربك
بعد 6 أشهر :وش يعني سفره لجنيف وإلا ما نستاهل ؟
بعد 6 سنوات : رحلة !!! جنيف وش عاد .. الناس سافرت سطح القمر ؟
على التلفزيون :
بعد 6 أسابيع : على أي قناة تحب نسهر ؟
بعد 6 أشهر : ورا ك ما تحط الا على ا ستار ومس ليبنانون ..
بعد 6 سنوات : عسى عيونك العمى ما تخاف الله .. يالله حسن الختام .
بعد 6 اسابيع : حبيبي شكلك تعبان ريح جسمك اسخن لك الحمام
بعد 6 اشهر : المنشفه في الدولاب والصابون في الحمام
بعد 6 سنوات: ما ادري ..والله حاله... ما بقي الا نحممك مثل الطفل
لا تواخذونا على الاقتباس اعجبني الموضوع وطريقته
شكرا يا مداوي على الاختيار
تحياتي
-
يعطيك العافية سحاب
صحيح أنهن ( سحالي )
أقول أنت معنا على حزب المعارضة
ترانا شرين خوت أهل الطيب
-
ما .. اقول غير الله يعينك يا سحاب
واخوك ابن رويضي اذا شاف عليك غليبه ... ما يتوخر
وتقدر تقول فاصل الريوس :D
-
الفريعي
حياك اخوي
اشكر مرورك اللطيف
المعارضه او المعارضين
وش رايك يكون حزب التماسيح .. (اسم موسيقي ورنان و يدل على الاقدام
وكذلك كبر الفكين والمقدره على البلع بدون مضغ )
تحياتي
-
بن رويضي
حياك يالمقدام الذي لايشق له (قميص) اقصد غبار
لكن اذا كان واقف على دحديره وظهره جهة المنحدر
لو قلت رابط الجلنط او مركتز على الحيط اشعر بطمانينه اكثر
لا تهتم ما عندك احد يخوف بس الخوف من اللدغ والوغز بالابر ومهص الخصوم
(مهص الخصوم ..عند قدام البدو يعني ..شد ولوي الخاصر) كفانا الله واياكم شره
تحياتي
