<div align="center">قصيدة قصة واقعية
تكفين يا طيور حرار افزعيــلي أبي عـن ديار الأهل منـك الأخبار
تكفين حومي فوقهم وارجعي لي وألا أن حصل لك حومة داخل الدار
تكـفين حول ابيوتهم دوري لي سبعة فـروخ يوم أخليهم اصغار
شوفي ضناي واعودي وانكفي لي وتشلونهم يا علهم صاروا كبار
نسيوا دفأي ونومهم في شليلي وش علمهم يا علهم طول الأعمار
قـولي لهم أن أمكم له عويلي خمسة سنين دمعـها دوم مدرا ر
وقولي لهم أني على طول ليلي أنوح ليا قرب الصبح انهار
وقولي عيونه دايم له هميلي تبكي ليا شافت من الناس زوار
كل يوم أقول اغدي حديدهم يجي لي راحت سنيني مآبهم واحد زار
وانأ اللي من سبة سوات الحليلي حــالي تردت كل ماله وتنهار
وفرقى ضناي اللي تردت بحيلي كني على شوفتهم أصلى على نار
يا ويلي كان الله عجل برحيلي وانأ لي سنين ابي لوهي أخبار
ياعونة الله من يبي يرتكي لي جارت علي بأمر الولي كل الأقدار
تنكروا من يدخلون ألدخيلي واللي بوسط ديارهم يامن الجار
قولي لهم يا طيور قلي عليلي الله يكافي قلوبهم صارت أحجار
وانأ اللي لبراق الخيال استخيلي وأقول يا عل (.....)للأمطار
تكفين وسط ديارهم صوتي لي شوفي عسى لاسمي مع الناس تذكار
وقولي لمن نسيانهم يستحليي يا للي نسيتوها ترى الوقت دوار
ياهيه يا للي بالسما لك هديلي ردي خبر تكفين يكفيني امرار
شوفي اكا اللي نومهم في شليلي من أذان المغرب إلى وقت الأسحار
شوفي اكا اللي مااهتني في مقيلي الابمقيل معهم كبار وصغار
وقولي لهم أن كان حملي ثقيلي مره يجون وعقبها شي ما صار
وأنا يتــولاني كريم جليلي يا علني في جنته وسط الإبرار </div>نشرت في جريدة الرياضيه 16محرم 1424
ابن مساوي
