قــصيــدة [ الرفــيــق ] للشــيخ سعـــود راشـــد منــقــرة

قصيدة الرفيق

رفيقك اللـي بالمواقـف يخليـك &&&&& ماهو الرفيق اللي عليك احتمالـه
خله يسنـد واديـاً غيـر واديـك &&&&& لعـاد ماتنفـع يمينـه شمـالـه
لافاتة الهيـه بـدا بـك يناجيـك &&&&& وده يرقـع عثرتـه مـن هبالـه
هيهات لافـات المقـدر دعاويـك &&&&& الأولـه ماتنلـحـق بالسهـالـه
لاهبت ماتدرك مع الناس عانيـك &&&&& مثل الذي يقصر عن الما حبالـه
مذموم بين الخلق لاحـل طاريـك &&&&& من يتبـع الهيـن قليـلا نوالـه
شيل لرفيـق بالعسيـرات ياتيـك &&&&& بلازمه يرخـص غوالـي حلالـه
ملزوم تدمح زلته لو طعـن فيـك &&&&& له ماقف يذكرك فـي كـل حالـه
إلا بجار البيت والظيـف ناهيـك &&&&& لاتحتمـل عوجـاه قطـع حبالـه
لا تطاوع اللي قال غاظك ويرضيك &&&&& في مثل هـذي لاتسـوي جمالـه
للظيف حق وناصي البيت عانيـك &&&&& أهل الشـرف مايقبلـون الرذالـه
لو هو ولدك إلا اختلف عن مباديك &&&&& اطلـب مـن الله يـرزق بدالـه
لاعاد ماهو ماشي فـي مراضيـك &&&&& كبضاعة اللي مادركت رأس مالـه
فرقاه عيد لاحـل بالـدار ياذيـك &&&&& يشمت عليك بوارد مـن خمالـه
أم الرفيق اللي دوامـا مصافيـك &&&&& هذاك يعطى واجبـه مـن كمالـه
لاغبت كنك حاضر الـدار كافيـك &&&&& نطـاح للكايـد بحالـه ومـالـه
ماهو من اللي لافعل طيبـه فيـك &&&&& يستافي المعـروف قبـل اكتمالـه
من صار ذا طيبة عطى باغياً ذيك &&&&& كصحبـه الـدلال حـول الدلالـه
لاترافق الأجرب على الحول يوبيك &&&&& يصيب حالك سو ماصـاب حالـه
تجنـب المابـاه والـرب ينجيـك &&&&& من شر وردات البـلا واحتمالـه
أضرب طريق الخير للخيـر يوديك &&&&& وأترك طريق الشر مالـك ومالـه
حسب طريق الشر بالنار يرميـك &&&&& مثل الذي يطلـب لنفسـه زوالـه
وصلاة ربـي عـد ماقيـل لبيـك &&&&& على الرسول اللي صدق في مقاله

الشـــاعر / الشيخ سعود راشد منقره

الاخ / الموج الهادر

يعطيك العافية على هذه القصيدة الرائعة التي تتصف بالحكمة للشاعر الكبير سعود منقرة

اقتباس:

---

لو هو ولدك إلا اختلف عن مباديك &&&&& اطلـب مـن الله يـرزق بدالـه

---

الشطر الثاني في هذا البيت تنقصه كلمة و لا اعتقد انها من الشاعر لان القصيدة بحق وافية

بل سقطت سهوا منك عند الكتابة ارجو منك مراجعتها للتاكد ..


و تقبل مروري


اخوك / فالح السميري

يعطيك العافيه أخوي على القصيدة

الموج الهادر 0 صح لسان الشاعر سعود منقره
ويعطيك الف عافيه 0 وتشكر 0 وتقبل مروري وخليك موج هادي احسن

قصيده جزله من الشيخ سعود منقره

الموج الهادر .. نحن بأنتظار المزيد من قصائد الشيخ سعود

الشاعر/ سعود بن راشد بن سنيد منقره

غني عن التعريف

صح لسانه على هذه الحكم
وتسلم يالغالي

الموج الهادر

على هذا الطرح


عوده بن منصور منقره البلوي