السلام عليكم ورحمة الله وبركاته
هذه بعض الأبيات الطريفة أحببت ان تشاركوني
في قراءتها فنقلتها لكم
آمل ان تنال إعجابكم
الشكوى لله
احدً عشاه قرص و مفطح الحيل
وحدٍ رغيدٍ يلعط الكبد حره
وحدٍ يصجنَه اصوات المحاحيل
وحدٍ تمنى ساعةٍ صب كره
وحدٍ يلاعب لابسات الخلاخيل
وحدٍعجوز شاف منهاالمضرة
يالله انك تعدلها عن الضلع والميل
والا انك تميلهاعلى الناس مرة
ـــــــــــــــــــــــ ـ ـ ـ ـ ـ ـ>>>
غلاك
غلاك يسوق قلبي ما معه رخصه ولا تأمين
لك الله رابط حزام المحبه في شراييني
ـــــــــــــــــــــــ ـ ـ ـ ـ ـ ـ>>>
من زود حبك
من زود حبك قمت ألبس الثوب مقلوب
وأنشد عن الغتره وهي فوق راسي
ـــــــــــــــــــــــ ـ ـ ـ ـ ـ ـ>>>
حاره الزين
ياليتني في حاره الزين خباز
أسابق المذن واسوي عجينه
ابيه لاصار للخبز معتاز
امد له الخبز والمس يدينه
و اولع التنور وارفع على الغاز
ولو احترق فدوه لرمشه وعينه
ـــــــــــــــــــــــ ـ ـ ـ ـ ـ ـ>>>
الجوال
دقة نغمة رساله وقلت يالله عسى خير
وانا ثلاث ايام محدن ذكرني
فتحتها بلهفه من الفرح بطير
واقول ياحظي من اللي افتكرني
اثره الجوال يرسل فواتير
هو الوحيد اللي ابد ماهجرني
منقول
