-
[QUOTE=د][align=center]
ملفي المورقي
هبَت هبوب الريح والحظ طيَب **** لكن خوض الملعبة ياحبيب
لو ان رميك ما يوقع قريب **** السفن ينطحها الهواوي حداها
ياحبيب العازمي ليلك سرى*** أخذ السوالف وعطني ردها
أقدم على النار لا ترجع ورى**** أن كان تقدر عليها صدها
حبيب العازمي
هبَت هبوب الريح والله يقوَيك *** كل شي غير الرمي ماني براميك
أ ليا بغيت أفعل لزمتك بأذانيك*** السفن ينطحها الهواوي حداها
لابد الايام وعيونك ترى*** تكشف لك المتقي لابدها
قدمك ضلاعين أكبرها كرى*** حب الضلاعين والا هدها
ملفي المورقي
أنت تحسبني على كيف كيفك*** يالعازمي جندي وملفي عريفك
ماهو بنافعك العصيمي حليفك*** السفن ينطحها الهواوي حداها
إن صار بالسوق بيع ومشترى*** إن كان عندك فلوس نعدها
يا صاحبي علم اللي مادرى*** أنا ألزم القوم والعن جدها
حبيب العازمي
أنفخ لنفسك كان صدرك يضيقي*** مستور ابن عمي عضيدي رفيقي
وانته حليف(ن) للعدو والصديقي*** السفن ينطحها الهواوي حداها
لو نجذب الغرب بالحبل أنفرى*** يازين حل الحبال وشدَها
أحيان يالمورقي مالك ذرى *** وأحيان يمناك تلصفق خدَها
ملفي المورقي
أنا سواة الذيب يمشي لحاله*** ما لد لاخوانه وعمه وخاله
من يتبع العربان يفداك حاله*** السفن ينطحها الهواوي حداها
ما نا شب(ن) بالحلوق الا الغرى***والا العوارف بعيد سدَها
ياعازمي ويش صار ويش جرى***عن بعض الاشياء يمينك مدَها
حبيب العازمي
ما أقول لك صادق ولا أقول كذَاب*** أحيان فعلاً صح واحيان نصَاب
واليا سمعت مطلًقه رحت خطَاب*** السفن ينطحها الهواوي حداها
يالله لا تلحقني لوقت الزرى*** يالمورقي عشَ طالق غدَها
لو نضمد الجرح يا ملفي برى *** لو كان بعض العرب ما ودَها
ملفي الورقي
لاهنت وانته يا احمر العين لاهنت*** وراك في بعض الدعاوي تبينت
الرَاجع أحسن يا حبيب من البنت*** السفن ينطحها الهواوي حداها
أنته وابو زيد فا لزاد خشرى*** لكن عينك لاعاد تلدَها
لا يا عسى خير ياطار(ن) طرى*** ماعرف مزح العرب من جدَها
-
<div align="center">السلام عليكم ورحمة الله وبركاته،،
اخي المبدع// //
العثماني..
يكفيني فخر ان اكون اول من يعانق هذا الابداع
لو قلت لك رائـــع سيكوون قليل ..
كتبت فاجدت وابدعت..
سطرت اجمل وارق الحروف ....
سطرت اجمل العبارات وبدون خووف...
سكبت من قلمك المبدع فنهال عليناا بكــل سطووع واشراق...
فكانت مشاركتك مشاركه متميزه تقف لها الاقلام والايدي عاجزه ...
فمن له الحظ مثل قلمك كي يكتب له كل هذا...
فهنيئا لقلمك ابداعك وهنيئا لنا بك...
ومشكور على النقل..
يمكن غلا..</div>
-
الاخ / العثماني
السلام عليكم ورحمة الله وبركاته
مشاركه رائعه ونريد المزيد من المحاورات الشعريه وخاصتا
1- منيف منقره ( شاعر الشمال )
2- بكر بن زعزوع الحضرمي
3- محمد بن متروك السناني
4- فيصل الرياحي
ــــــــــــــــــــــــــــــــــــــــــــــــــ ـــــــــــــــــــــــــــــ
الله يعطيك العافيه ولك تحياتي
-
شكرا ياكل الغالي ياغالي
والله القلم يعجز عن الشكر لك والاحترام عزيز الغالي يمكن غالي
واشكر اخي الوجه انشاء الله نقدر نلبي طلب قريب انشاء الله
