الراس شاب وهاجس القلب ماشاب

يقـــــــــــول

الراس شاب وهاجس القلب ما شاب = ينهض جناحه للهوا والموده
يبا يطـير وماقعـه راس مرقــاب = لاكــن ما جاتله على كـيف وده
تعرضت دربه صواديف واسباب = عن ما يريد القلب قامت ترده
وانا كبــــرت وقافي النفس طلاب = والنفس ما هي للهوا مستعده
النفــس خاطرها من اهل الهوا طاب = الدفع اللي يدفعه صارضده
ما يبري اللي صابها طب الاطباب = الطب في داها وقف عند حده
وحكم الدهر فـي كل الاحوال غلاب = واليوم ما هوللفتى مثل غــده
الصاحب اللي من عزيزين الاصحاب= امضى معي في سابق الوقت مده
ايام يوم انه معــي كنـــت ماهاب = عزيمتــي من قوتـه مســـتمده
اليوم يا سليمان عن خوتـي غاب = واصبحت مافي للمهمات شده

وسلامتكم اخوكم عيد البلوي

وحكم الدهر فـي كل الاحوال غلاب = واليوم ما هوللفتى مثل غــده

صح لسانك على هذه الرائعة
وتقبل تحيتي

صح لسانك ملايين

صح لسانك و شكرا لك

الاخ الفاضل / عيد البلوي
صح لسانك واتمنى لك التوفيق بالدنيا والاخرة...........

اخي عيد لك مني مليون تحية لأن قصائدك تعجبني دايم وهذه القصيدة كل بيت فيها اجمل من اللي بعده وتسلم على هذا الابداع