ياللــــــــــه بجودك

يالله بجودك

يالله بجودك عن المخلوق تغنينا == مدات جودك على المخلوق مشهوده

ماودنا احد(ن) من المخلوق يعطينا == نريد جودك وغير مانـبي جــوده

اجعل لنا الرزق من عندك لايادينا == ماني معارض على نقصه ولازوده

واللي قسمته لنا يارب يرضينا == = والعـبد ما ياخــذ الدنيا بمجهـوده

واللناس لو كلهم مخلوق من طينا == ماهم سوا عند عدّ الاصل والجوده

منهم كما العود غالي بالموازينا == الى احترق فاح ريح الطيب من عوده

ومنهم خوي الكرم بالعسر واللينا == يزود جـوده ولو هو قل ماجــوده

ومنهم ليا جيت لي حاجه يحيينا = = يبدي لنا الــجود والفاقات مجحوده

ومنهم ليا جيت تلقا خاطره شينا == لو اجتي شوف بين ايديه ماعوده

وليا مشينا نب الطيب يخاوينا == والا الردي مانــبي قربه ولا فـــوده

واللي قسمته لنا يارب يرضينا == = والعـبد ما ياخــذ الدنيا بمجهـوده

ابيات رائعة جدا جداجدا
الله يعطيك العافية
ولك اطيب تحياتي

ابيات عطره معانيها
صحيح من قال عقول الرجال تحت اقلامهم
تسلم اخوي عيد على رائعة المعنى
تقبل مروري ودمت بخير

صح الله لسانك وطيب فالك

ابيات جزله .. وهادفه .. ورائعه .. كلها تحكي عن واقعنا بعين شاعرها

يعطيييك ألف ألف عافيه

صح لسانك يالجزل ..

اخي عيد
متألق كعادتك فأنت على شاطيء بحر تغوص بأعماقه
وتخرج لنا بدرة جميلة
تقبل تقديري