أهدي لكم هذه السامرية الرائعة

أهدي لكم هذه السامرية الرائعة للشاعر الأمير سعود بن بندر آل سعود رحمه الله وهو من أروع الشعراء المعاصرين....

تولعت بك والله كتب لي على فرقاك = حسيبي على الحظ الردي كانه أشقاني
أنا ما شعرت أني مع الناس قبل ألقاك = لا ذقت للدنيا طعم قبل تلقاني
ولا كنت أحس بلوعة الحب قبل أهواك = ولولا عيونك ما كتبت أجمل ألحاني
سقا الله ليالي خالده عشتها وياك = بدرب الحويه بين عشب وغدراني
تذكرت يوم أقبلت كنك تحسب خطاك= تمايل بعود نايف الطول رياني
وترفع طرف ملبوسك الضيق بيمناك = وشلال شعرك تنثره فوق الامتاني
ترى اللي يسليني عن مشاهك ذكراك = أنا مستحيل أنساك أخاف إنت تنساني

وسلامتكم