شـــــــوقي لمعشوقــــــــــي

الشــــــــــوق

شوقي لمعشوقي ابا لا يخفي=ماغير اصبر هاجس الشوق تصبير

والقلب من داخل جناحه يرفي=تقول صقر(ن) للهدد وده ايطير

ان رحت يمه مشيتي تستخفي=الشوق يدفع مقدم الرجل واسير
ون رحت عنه ادف رجليّ دفي=امشي ولدّ ابناظر العين واحير
ون شفت عذر اب اكتبه في ملفي=مابه سوا شوقي لشوقي معاذير
ياشوق شوقي شوف كفك بكفي=ابني معك ياشوق عش العصافير
ياشوق لوجت لي على ودّ شفي=امضي معك ايام عمري على خير
لكن ماواحد وقف جنب صفي=مدري رداء بالحظ واللا مقادير
يانار شوق الشوق للشوق طفي=مايستطيع القلب في زود تسعير
لفت اسنين العمر ياشوق لفي=واللي بقا من ماضي الشوق اساطير

الشاعر القدير /عيد بن قيضي
صح لسانك وسلم بنانك

ان رحت يمه مشيتي تستخفي = = الشـوق يدفع مقدم الرجل واسير

ون رحت عنه ادف رجليّ دفـي= = امشـي ولــدّ ابناظر العين واحـير

صدقت ورب البيت .

اهلا ابو فالح

حياك الله شكرا لك اسعدني مرورك يحفظك الله

صح لسانك يابن قيضي / وقصيده تستحق القراءة والنشر .

بالتوفيق

عيد
ياشيخ رووح الله يوفقك من وين ماوجهت

والله أبيات تُكتب بماء الذهب

ونفس الأبيات التي اشار إليها شاعرنا ابوفالح

تشهد بقوة القصيدة

صح لسانك في زمن لا يعرف الشعر إلا قليل

الجزل مايجي منه إلا الجزل ..

صح لسانك ياعيـــد