(((((يمــــــــــــــــــــــــــــــه)))))

السلام عليكم ورحمة الله وبركاته
الى اخواني واخواتي اعضاء هذا المنتدى الغالي والعزيز..
اضع بين يديكم احد قصائدي وهي من ارشيفي المتواضع..
وكتبت في اعز واغلى شخص على قلبي وهي امي ولقد كتبتها في ظروف معينه
ارجو ان تحوز على استحسانكم.
والأم مهما كاتبنا وقلنا فيها فلن نوفيها حقها...

(((((((((((((((يمـــــــــــــــــــــــــــــــــ ــــه)))))))))))))))

يمـه جعـل ربـي يحفـظـك ويـرعـاك=ويحميـك ربـي مـن صـدوف الليالـي
يمـه ياجعلـي تحـت رجلـك وماطـاك=حيـث ان جنـات الولـي بـه تنالـي
يمه ما فوقـك بالبشـر او تعـداك=لك منزله بالقلـب شـي(ن) خيالـي
ربـيـع قلـبـي لا تحـلـى حـلايــاك=يطيـب كيـفـي لا نظـرتـك قبـالـي
ولا من زعلتـي كـن بالصـدر مهـاك=يتـل جـوفـي مـثـل تــل الحبـالـي
الله أكبـر ياحنونـه ومـا اقــواك=تسعـة شهـور(ن) صابـره بحتمـالـي
عند الوضع تسابقـة لـك منايـاك=والله أعلـم وش جـرى مــن تـوالـي
حوليـن مايـوم(ن) شكيتـي وقــزاك=حظنك منام(ن) لي وصدرك غـذاء لـي
عديت انا وقت الرضاعه ولا ازراك=وغذاي من صافي غذاء(ن) لك صفالـي
وياما على شانـي تعنـت مطايـاك=وحملتـي حمـل(ن) ماتشيـلـه جبـالـي
خوفـك علـي يـا مسهربـك وبكـاك=وعنـد العـرب يصيـر لـك اجتوالـي
وليا لاح زولـي بـه تباشـر محيـاك=لك فـزة(ن) يفـز لـه قلـب غالـي
والحمـد للـي مـد عـمـرك وخــلاك=نـور(ن) لعينـي فـي ضلامـه ضـوالـي
وانا رهـن رمشـك وعينـك ويمنـاك=ولـيـا نخيتيـنـي اطــوح عـقـالـي
امرك علي نافذ وربي فـلا اعصـاك=فـي خدمتـك وجـدت راحــات بـالـي
يمه انا كلـي أمـل جيـت وارجـاك=مثل الفقير اللـي يلـح بالسؤالـي
ابي رضاك واتعـب النفـس لرضـاك=وأخـض لـك الجنحـان ذل وأمتثالـي
أدعـي لنـا الله يقـبـل دعـايـاك=تر دعوتـك فـوق(ن) سناهـا يلالـي
ياغلى بشر الـدار وحشـه بليـاك=والبيت من دونـك نقـص بالكمالـي
لامن دخلت البيـت ماشفـت حليـاك=يضيـق صــدري والتـفـت لشمـالـي
يم الديار اللي غلب فيـه مربـاك=ارض الكرم وديرة كرام السبالي
وان طول اغيابك مشينـا للمشـاك=درب المليحـا مـن دروب العيـالـي
ختامها ربـي مـن النـار ياقـاك=وبجنـة الـفـردوس فـالـك وفـالـي

.............ابوخالد............

اخي كاتب الخولي وفقك الله
اعطاك الله رضاء والديك
الام اخي كاتب مايوفيها شعر
كان لي الشرف المرور الاول
على هذه القصيده الجميله
المعبره وفقك الله

يمـه ياجعلـي تحـت رجلـك وماطـاك=حيـث ان جنـات الولـي بـه تنالـي



صح لسانك

[size=7]بيض الله وجهك يا أبوخالد على هذه القصيدة

[size=7]ولا فض فوك ودمت بهذا الألق والتوهج[/size]

[/size]

يمـه ياجعلـي تحـت رجلـك وماطـاك=حيـث ان جنـات الولـي بـه تنالـي

صح لسانك

جزاك الله خير ..

و جعلها في ميزان حسناتك

لا هنت أخي الفاضل و صح بيانك