بقلب مواجعي واحيي ثـــــــراك
وابكي لا وقفـــت اذكـــر الاطلال
وانشــد كل ركن(ن) يذكر سناك
وانشد ربع اخوي سيف الشمال
جتك المنيه والمــوت ما اخطاك
وعسى موازينك بالخير جبـــال
تركت ام من حبها تبكي وراك
وتركت قلب يطريك طول الليال
ما نجزع من القدر عساي فداك
مير ذكر الغالي بالقلب ماينزال
ادري يميني اخطـــت يوم جاك
كـــلام والله من القهر انقــــال
ودمعك على الخد بخيال صاك
وانا من شوفي له قلبي مـــال
تفجعت بالخبر يوم انه نعاك
وتذكرت وقت مايرجع محال
وغسلتك بيدي وبكيت فرقاك
ومسحن خد الدمع عليه سال
واقول يارب ترحم عبد لفاك
واجعل الجنـــــة له خير فال
الله يرحمك برحمته
