محاوره ذيب الشمري وسعود الزعبي ( كتابيه )

ذيب:
يامرحبا من هجوسٍ تحسن الاختيار..
ترحيبةس بالمواقف يحسب حسابها

يا سعود شوف المسافه واتبع الاختصار..
واخذ الحذر فالدروب اللي تمشابها

__
سعود:
دام البقا يا مخلصت العلوم الكبار..
والكلمه الطيبه من حظ من جابها..

حنا نمد اليمين ولا نمد اليسار..
لاتحسبني معك لهوه تلهابها

__
ذيب:
حنا قبلناك يالزعبي تحط الشعار..
وتنافس الناس وتسيطر على اعصابها

واذا تكاسلت مشينا عليك القطار..
ترتاح وتسلم السكين ونصابها..

__
سعود:
مابين روسٍ طوال وبين روسٍ قصار..
ماعاد تلقى ولا كلمه تسلابها..

تقولها وانت ما تقدر تفك الزرار..
احرص من الحيه اللي تكشر انيابها

__
ذيب:
العام ياسعود خففنا لك الاختبار..
واليوم بقعى يبي يلمسك مشعابها..

ودي توفى شهيد ولا تموت انتحار..
وتجنّب النار عن لحيتك واشنابها


__
سعود:
الله يستر عليكم لايشق الستار..
وانتم هلا الفزعه اللي خاب طلابها

حنا نموت بشهاده وان حيينا حرار..
وانت عليك الصبيّه تشقق ثيابها

__
ذيب:
ان ماقبلت المطر يبغى يجيك الغبار..
فزعاتنا من طلبها ما بخلنابها

يا اصحابنا يا سيوف الحق والانتصار..
جميع فتنه سكروّا باباها..

__
سعود:
يالشمري وقفتك صارت لربعك دمار..
والمشكله في عصاك اللي تعصىبها..

حنا وقفنا لها والزند يقدح شرار..
في ساعةٍ بارت الاصحاب باصحابها..

شكراً لاطلاعنا على هذه المحاورهـ ..

سلمان شكرا لمرورك