حب الوطـــن للشاعر سليمان سالم صالح الوابصي البلوي

من قصائد الشاعر سليمان سالم صالح الوابصي لبلوي
يقول

اللي يبيــع الوطن وش ودنا منـــه = والله مانتفق مع شين الافعالـي

حــب الوطن ساريا في دمنا لأنــه = غالي ونفداه بالأرواح والمالـي

عهداً علينا عهوداً ما بها منــــه = ما نرخصه لو يسير الدم سيالي

هـذا وطنا ونعطــي للوطن منــــه = حــقه علينا ندمر كل محتالــي

إذا طلبنا الوطن ما نعتذرمنــــه = نفداه مهما حصل في كل الأحوالي

نعشق وطنا نصد المعتدي عنه = نعشق صحاريه والوديان وأجبالي

فيه الحرم كل مسلم يرتوي منــــه = مكـه وطيبه حماهن ربنا العالي

شين العمل حصل الصيحات والونه = دمرنساوين مع شيبان وأطفالي

من يقتل النفس محروما من الجنه = ممقوت مطرود للشيطان مرسالي

مغسول مخه عسا الأيام يمحنـه = باع الوطن والوطن بقلوبنا غالــي

خرج عن الدين والمنهاج والسنــه = شمت أعدنا وخلا الناس تهتالي

سلك طريق الظلام أولا خرج منه = خان الأمانه وخان الدين والوالي

لون النساء يعرفنــه ما يربنــه = يرماء بحــفرة قمائم كلها زبالــــي

من باع عهده عثر ماحد نشد عنه = حتى امه اللي رضع من ديسها الحالي

ياالله ياربـــي أنك تنتقم مـــه = الســم دسه وحطــه في عسل حالــــي

روع قلو ب آمنــه أدعا لهم ونــه = زلزل مباني على السكان زلزالي

سبعين جني براس أبليس خشنــه = لماغداء ما يميز شمس وأضلالي

لما على الموت والتخريب ساقنه = سوق البهيمه عليها قش وأرذالي

يعطيييك 1000 عاافية

وصح الله لساااان سليماان الوابصي

يعطيك العافية على نقل القصيدة الرائعة

صح لسان الشاعر والناقل

دمت لنا متميزاَ يا ابن قيضي

الله يعطيك العافيه يابو عبدالكريم على هذا النقل المتميز والشاعر سليمان بن سالم الوابصي شاعر له وزنه وثقله بين شعراء وابصه وقصائده تطرب الجميع