قصيدة ((مبحلة)) اعجبتني للشاعر الأمير عبدالرحمن السديري

http://www.bluwe.com/bluwesgnature/coc/6.gifhttp://www.bluwe.com/bluwesgnature/coc/5.gif
هذه قصيدة أعجبتني للشاعر الأمير عبدالرحمن احمد السديري
((مبحلة))
وسميت بهذا الأسم لغموض أبطالها وشخصياتها الموجهة إليهم وغموض قصة هذه الصقيدة كتبت بعض من أبياتها أتمنى أن تنال اعجابكم لما فيها من كلمات أصيله قد لانجدها في شعرنا الحاضر.....

مبطين ماجانا جوابات وإعلوم
عن صاحب حالت عليه المظامي
لعل ماش إخلاف واللوم مذموم
ولا أنت مشغول إبقطف النوامي
بعض النوامي يافتى الجود مسموم
إذا سلم جانيه صابه إهيامي
يعيش بأحلامه أويسلى عن النوم
ألا ولا يهناه ذوق الطعامي
الثوم مايغثي على ريحت الثوم
والماء مايغديه كثر الهدامي
والطير صيده مايصده عن الحوم
يحوم لو كانت كفوفه دوامي
طرد الهوى سلم تعرض له إسلوم
من دش غباته غدا به أوهامي
أصله أوفرعه يافتى الجود مفهوم
له منبت مابين هاك الزوامي
حمر على بيض بهن دق ووشوم
حدر الشفايف ساتره بالثامي
ماتدركه حيله ولايدركه سوم
دونه إسهوم يقصمن العظامي
نجله أومجدوله بهن سو وإسهوم
خص إليا منه هنف بإتسامي
الطف لطيف شافت العين من يوم
ميزت مابين الحلال أو حرامي
جميل خلق وخلق مافيه مثلوم
إسمع تماثيله وتلقا كلامي
ماهي من أللي زينها لبس وإهدوم
اللبس ياخذ من حلاها إنسجامي
فيها من الغزلان سجات وسجوم
وفيها صباح الصبح وفيها ظلامي
وفيها ثقل وخفها مابه إثلوم
متعادل قصره وطوله تمامي
يظلم ولايخشى من الناس ظالوم
ويبرى بنظراته مريض الجذامي
عذب عذى ناعم مابه وجوم
كنه نبات القفر عقب الوسامي
ومن عاش بالدنيا على وهم وحلوم
تفوته الفرصات شرق وشامي
لازلت من شفته وانا اطيح وأقوم
مثل الغرير اللي برجله إلكامي
بالكبد شبت نار وحروق ووروم
غدالها بأقصى الظمير اضطرامي
وصفه على حجانها نقش ورقوم
لاهوب حربي ولاهوب يامي
ولاهو من العتبان ولامطير بقوم
ولاهوب بمصري ولاهو شامي
واجهت بالدنيا غيارات وإهموم
هاضت ولازمها كتام وعسامي
السد باح وداهم الحال داهوم
بارت بي أعصابي وبتت إحزامي
حاولت أخفي وأختفي وأبعد الحوم
مالي ومال دروب كل التهامي
وابعد عن الشكات واللوم والشوم
يكره صديق لي وتفرح خصامي
لاشك هذا يافتى الجود مقسوم
مايمنع المقسوم حتى إنهزامي
لانيب صاحي ولانيب منجوم
محتار بين مردوعات الوشامي
ينوح نوح أللي عن الديد مفطوم
أمه توفت قبل حل الفطامي
مثلك مجرب مايبي شرح وختوم
ذقت المرار وذقت حلو الغرامي
يامنتهي ماقلت جيناك بعلوم
وشلون تسقينا بروس المظامي

ابو هيثم العرادي

الله يعطيك الف عافيه 0

يعطيك العافية