بسم الله الرحمن الرحيم
السلام عليكم ورحمة الله وبركاته
وبعد
.
.
.
القمر نصف الشهر ما فيه دِبره=بالسما منزاله وله ضو قادم
وأنت يا اللي ودك تخليه عبره=تحجبه نصف الشهر باني وهادم
إن رفعت الكف مالك كف جبره=وان صدمت الضلع أكيد تعود نادم
حتى لو انك كبير وفيك كبره=من تصادم يا الضعيّف من تصادم ؟
وش تحجب من الضياء يا سلك الإبره=بين نور البدر وعيون الاوادم ؟
من نطح غزو الضحى معروف شبره=ما هو اللي في محيط الدار خادم
أنت تلعب بس تلعب دون خبره=لين ضيّعت المياخر والمقادم
والقلم لو ما تخاسر فيك حبره=كان يمكن يخرجك من عالم ادم
للعرب تحفر وحالك حال دَبره=والغبار بلحيتك حافر ورادم
والقمر نصف الشهر ما فيه دِبره=بالسما منزاله وله ضو قادم
ولكم تحياتي
