جـانـي وانــا فــي وســط ربـعـي ونـاســي

قصيدة شاب رثى نفسة وتوفي بعدها بيومين ........
هذه القصيده
للمقدم/ نمر السحيمي.
ظابط في ادارة سجون منطقه المدينه المنوره 0
كان الجو ممطر وقتها مما ادى الى انزلاق سيارته عن المسار وتعرضها للانقلاب
وفارتة روحه بلحظتها الحياه
وبالفعل قد قال هذه القصيده قبل وفاته
لأنه رأى في المنام أن منادياً يناديه
وأنه ميت فقال هذه القصيده وأودعها في درج مكتبه
وعندما توفي .. وعند تفتيش مكتبه وجدوها فيه
رحمه الله رحمة واسعه ... فقد عزى نفسه قبل أن يشيعه المشيعون وكانت جنارتة عظيمه جداً ودفن في بقيع الغرقد بالمدينه المنوره
(الله يرحمه ويرحم جميع أموات المسلمين
السلام عليكم ورحمة الله وبركاته
..
...
جـانـي وانــا فــي وســط ربـعـي ونـاســي
جـانـي نشلـنـي مـثـل مــا يـنـشـل الـنــاس
مـنــي نــشــل روح تـشـيــل الـمـآســي
تشـكـي مــن ايــام الشـقـى تشـكـي الـيــاس
اثــر الالــم فــي سـكـره الـمــوت قـاســي
ماهالـنـي مـثـلـه وانـــا انـســان حســاس
جـابـوا كـفــن ابـيــض مـقـاسـه مـقـاسـي
ولـفـوا بــه الجـسـم المحـنـط مــع الـــراس
وشـالـونـي اربـــع بـالـنـعـش ومـتـواســي
علـيـه ومـغـطـى عـلــى جـسـمـي الـبــاس
وصـلــوا عـلــي وكـلـهـم فـــي مـآســي
ربـعـي ومعـهـم نــاس مــن كــل الاجـنــاس
يـاكـيـف ســـوا عقـبـنـا تـــاج راســــي
وامــي الحبيـبـه وش ســوى بـهــا الـيــاس
أسـمـع صــدى صـــوت يـهــز الـرواســي
قـولــو لـهــا لاتـلـطـم الـخــد يــانــاس
قـولـولـهـا حــــق وتـجـرعــت كــاســي
لاتـحـتـرق كـــل يـبــي يـجــرع الـكــاس
اصبـحـت فـــي قـبــري ولابـــه مـواســي
واسـمـع قـريــع نعـولـهـم يـــوم تـنــداس
مــن يــوم قـفـوا حـــل مـوثــق لـبـاسـي
وعـلــى رد الـــروح صـــوت بــالاجــراس
هـيـكـل غـريــب وقـــال لـيــه التـنـاسـي
صـوتـه رهـيـب وخـلـفـه اثـنـيـن حــراس
وقــف وقـــال ان كـنــت يـانـمـر نـاســي
هـــاذي هـــي اعـمـالـك تـقــدم بـكــراس
ومــن هــول ماشفـتـه وقــف شـعـر راســي
وانــهــارت اعـصـابــي ولا أرد الانــفـــاس
يالـيـتـنـي فــكــرت قــبــل انـغـمـاســي
بالـغـفـلـه الــلــي منـتـهـاهـا لــلافــلاس
وفـزيـت مــن نـومـي عـلـى صــوت نـاسـي
واصــرخ واقــول الـمـوت وأحـــذر الـنــاس
...
..