قصيدة هادي المنصوري ورد الشاعر الكيبيرعلي بن حمري

هذه قصيدة قالها الشاعر الإماراتي هادي المنصوري الذي هو مقدم في مجلس شاطئ الراحه(الميلس) حينما صدر مرسوم ملكي من الحكومة بزيادة رواتب الموظفين السعوديين 5%
وقام بالرد عليه مجموعة من الشعراء ولعلني أذكر لكم نخبة الشعراء ألا وهو الشاعر/
علي بن حمري القحطاني وقام المنصوري بالرد بقصيدة إعتذار للحكومة السعودية
وللشعب كافة وإليكم القصائد :

القصيدة المزعومه

سر يمنا لدبي يا مرحبا الساع....... دبي تحفظ لابن آدم وقاره!
لا تنتظر يا خوي تحسين الأوضاع.....ما أطولك ياليلن بعيدن نهاره!
صارت مثل بدبي لا طاح بالقاع..... حظ الصبي قالوا بصدق العباره!
حظك سعودي؟ ويه ياقل الأسناع..... لا فاد ربح ولا سلم من خساره!
أية بدل ؟ هذي ثمن كيس نعناع..... حتى رواتبكم بدل ( للطراره) !

فقام بالرد الشاعر الكبير وراية الشعر علي بن حمري القحطاني على قصيدة الشاعر الاماراتي المنصوري في امسيت اقامها الحمري بدبي بحظور سمو الشيخ حمدان بن محمد ولي عهد دبي واخوانه وجمهور غفير وكانت جراءه كبيره من الحمري ولكن مال للمواقيف الا اهلها.....

ياهل دبي ردو على شين الاسناع @اللي لحقنا منه رمسة ذفاره

اخطا علينا والخطا شاع وانشاع@ قليـّـل الدبره ضعيف البصاره

ما الله مكلّف هاديٍ فوق ماطاع@ وش دخله فبن المجوّر وجاره

خلاّ عطا الدوله ثمن كيس نعناع@امظمـّرينه ما احسنو في ظماره

إن ما انردع ولاّ ردعناه في ساع @البادي اظلم غارةً تو غاره

لايحسب ان مالي على السيل مجزاع@سيل الحفاير مايشل الحجاره

على حساب ابلادنا والشعب باع@سلعته في سوق الردى والخساره

عطا حكومتنا لو انصاف وارباع @ بعيوننا يسوى التجر والتجاره

وحب الوطن فطره ولاهو تطبـّاع@حتى لو انك شفت منه الغياره

وهوى الوطن ماهو هوى سيد الاتلاع@ لبا عجاجه وغبرته وقشاره

وحب الوطن ماهوب يشرى وينباع@حبه شرف الانسان وايضا وقاره

نحما شرفنا من رديين الاطباع@ممن تحسّب في مسبه شطاره

ابسألك وابغي جوابك بالاقناع@ لو جاء احد سب اشرفك في عباره ؟

تسكت او انك تجزي الصاع بالصاع @ تبت يد اللي ضاع حقه وثااره
كسر الشرف في سلم وافين الابواع @ ماله سوى الموت المحتّم جباره

صحيح يمكن عندنا اعراة واجياع @الجوع عمره مايغط النعاره

يجوع بطن ويبطي الراس ماجاع @ من روسنا يستخرجون السطاره

استح وقدّم عذر يامرحب الساع @يامرحبن ماشب للضيف ناره

حاول تشيجع لو ظلمك التشيجاع@ واعلن على اعلا علو فالمناره

بالمختصر رمستك مال امها داع @هذي تسمّى عند اهلنا دباره

لومادبي فيها محمد وفزاع @ إن كان كفنّا الولد في وزاره

بعد سماع كل ما مضى استغرب الشاعر الاماراتي هادي المنصوري ربط اسمه بالقصيدة التي تناقلتها المواقع الاخبارية عبر الانترنت بمناسبة زيادة رواتب موظفي الدولة في المملكة لمكافحة غلاء المعيشة وقال ان تلك القصيدة لا تمثله ولا تمثل أي مواطن اماراتي وأكد ان الشعبين السعودي والاماراتي يجسدان اروع الامثلة في الاخوة الصادقة واوضح المنصوري الذي تواجد يوم امس الأول في المملكة لزيارة عمه الذي يتلقى العلاج في احد مستشفيات الرياض ان وجوده بين اخوته في المملكة يعكس مدى التلاحم والتواصل المستمر بين مواطني مجلس التعاون مبينا ان الروابط المتينة بين مواطني البلدين لايمكن ان تزعزعها قصيدة خاوية كتبها شخص فارغ استتر خلف قناع الجبن لإثارة الفتنة, ودعا المنصوري شعراء المملكة الى الترفع عن الرد على ذلك الشاعر الذي نعته بالنكرة متمنيا الا تكون تلك القصيدة المندسة مسرحا لتبادل الشتائم بين الشعبيين الشقيقين في المملكة والامارات .
وفضل المنصوري ان يعبر عن حبه للشعب السعودي من خلال قصيدة جديدة خص بها "عكـاظ" :

يا خادم أطهر بقعتين على القاع

يا راسي ان غثك من الحاسد صداع = لا يشغلـك الا صـداع النـعـاره
تارد عليك اقوال واقـوال وتـذاع = وتورّد أوجاعك قصيـد وعبـاره
تحيـةٍ مـن بوظبـي بـعـد الاواع = توصل لبو متعب وتوصل لداره
تاصل لذربين اليمانـي والاطبـاع = اخوان نوره منتهـى كـل غـاره
قومٍ على مد الوغـى تكسـر ذراع = وترد في ضلوع المعـادي نيـاره
وتفتح لباب الطيب والجود مصراع = وتصك بيبـان الـردى والحقـاره
اقولها مـن قلـب مانـي بمرتـاع = من كلمـة اللـي يلتفـت للعيـاره
يا خادم أطهر بقعتينٍ علـى القـاع = الجـود ورّد لـك مسـاه ونهـاره
طالت يدك في الجود باع ورى باع = وانساق لك عز الوطـن وافتخـاره
يا سيدي وان زاد همي بالاضـلاع = ما انتظر في الغيـر رد اعتبـاره
متربيٍ بالطيب وللطيـب مطـواع = ماني من اللي يشتكي من هجـاره
من لابةٍ تاطى على نياب الاسبـاع = دايم نباها فـي المغـازي بشـاره
ربعي بني منصور صلفين الاكواع = قومٍ على العادات رهـن الاشـاره
والا السعودي له بصدري توسّـاع = احفظ انـا قـدره واحفـظ وقـاره
لو حرك الواشي على لساني صراع = أصد انـا عنـه و احـد انتشـاره
الناس لو شافت عذق نخلك انصاع = ترمي عليه حجـار تبغـى ثمـاره
الحق عند الله موجود مـا ضـاع = وان ضاع عند الناس ما هو خساره

عسى ان تنال إعجابكم,,,