حان الرحيل وجيت أبا اعلن رحيلي

حان الرحيل وجيت أبا اعلن رحيلي=الوقـت كـافـي كــل ٍ وفعـلـه ارضــاه
مانـي بقاصـر حــق ولانــي بخيـلـي=ماني مـن اللـي يعطـي النـاس مقفـاه
قـلـبــي مـعـاكــم مـاقـفــي مايـمـيـلـي=ولـكـم محـبـه حـبـكـم قـلـبـي اسـقــاه
كـم بعـت لجـل الغيـر والله حصيـلـي=قـرش ٍ يبعدنـي عــن الـنـاس مبـغـاه
مـرت سنيـن و وقـت اقيسـه طويلـي=والحـمـد لله سـيّــدي بـأمــر وانـهــاه
امــره كـمـا سـيـل الغـمـام ويسـيـلـي=سيـل ٍ سـقـى غــرس المعـنـا وأرواه
مظلـوم قـال إن كــان جــا يشتكيـلـي=ببـحـث ورى حـقـه واحـطـه فيمـنـاه
إل كـل امــر ٍ مِـصْـدِر ِه لــه دليـلـي=قـولـه وكـــاد وفـعـلـه الـيــوم سـمّــاه
اشـهــد يابومـتـعـب كـلامــي قلـيـلـي=ياكيـف اكـفـي فعـلـك إبـقـول وأكـفـاه
مـثـلـك قـلـيـل ولا شـبـهـكـم مـثـيـلـي=الله فـرد لـك وصـف والطبـع ســواه
حـمــل ٍ يشـيـلـه حـمــل والله ثقـيـلـي=شال الحمـول ولا سمـع حـي مشكـاه
عــادات ابــوه بفـعـل دايــم جمـيـلـي=واهل الجمايـل كيـف ماتحمـي الجـاه
مــن جــاه بالـكـربـه لـهـمـه يـزيـلـي=يسمـع كـلام وموقـف ٍ فـعـل واشـفـاه
يـوصـي بقـولـه كــل حــي ٍ يجـيـلـي=لا ماج بحـر وضيّـع المـوج مرسـاه
كـفـه سحـايـب ممـطـرات ومخـيـلـي=يعطـي بمينـى مـادرت يــوم يـسـراه
لافـــرق بـيــن الـسـايـره والقـبـيـلـي=مـادام لـه ديـن ٍ علـى الطـيـب ربــاه
شعـبـه يحـبـه عِــد مــن كــل جيـلـي=يرخص حياتـه شعـب بالـروح يفـداه
بدعـيـك يالمـولـى فصبـحـي ولـيـلـي=تحفـظ ملـك يحكـم بشرعـك وترعـاه
مــادام داعــي الـحـق جــا بستقيـلـي=مـلــزوم يـاظـلـم المـعـاديـن نـنـســاه
لا جاهـل ٍ ساطـي ولا جـا الطفيـلـي=حكـم ٍ حكـم بـه شـرع والحـق نـجـاه
يـاظـلـم ويــنــك خــابِــركْ تتـكـيـلـي=حبـل ٍ تشـده جـاكـم الـحـق وأرخــاه
مانـي رفيـق ٍ لــك ولا أنـتـه زميـلـي=كم رامي ٍ يرمـي وكـم خـاب مرمـاه
يـاشــاري الـراحــه أبـــا تشتـريـلـي=راحه اغـط الطـرف والجفـن غطـاه
نومـي يـجـي باللـيـل واهـنـا بمقيـلـي=حـق ٍ علـى جسـم ٍ عنـا قلبـه اشـقـاه
يانـفـس غـيـري برتـجـي تسمحيـلـي=إن كـان جيتـك بالخطـا دون مشهـاه
إن كـــان زلـــة غـلـطـة ٍ فغفـريـلـي=بـكـره نـمـوت وكــل ٍ يجـيـه مـرثـاه
برحل رجيـت إن كانكـم مرخصيلـي=والحـق بـان وكـل ٍ وشــاف ممـشـاه
مـيـر الـوصـاه إن كانـكـم سامعيـلـي=حذرى نطيـح ونمشـي الـدرب مثنـاه
قلـت الكـلام وقـولـي اصـبـح كفيـلـي=واليـوم لـي درب ٍ تغيّـر وابــا ابــداه
هــذي حـيــاة وكـــل يـــوم ٍ مـديـلـي=نـاس ٍ تـمـوت ونــاس تحـيـا ونلـقـاه