قصيدة الشاعر محمد عوده البلوي تجديد الولاء والبيعه لقبيلة بلي

http://www.zmzm.net/vb/images/basmla3.gif

هذه قصيدة لشاعر قبيلة بلي الاستاذ / محمد عوده العرادي البلوي

مناسبة القصيدة :

تجديد الولاء والبيعه لقبيلة بلي عام 1425 هـ بالقصر الملكي بالرياض امام خادم الحرمين الشريفين الملك عبدالله بن عبدالعزيز عندما كان ولياً للعــــهد ، برفقة شيخ مشايخ بلي الشيخ / سليمان بن محمد بن رفادة البلوي وشيوخ القبيلة منطقة تبوك ومحافظة الوجه و اعيان قبيلة بلي .

سميت باسم الي عظيما جلاله= مصرفا كونه على كل ماراد
وضح لنا كل الأمور بـــدلالـه =وأرسل رسـول الحـق تبين وإرشاد
من منبر الفكر السديد وكماله =ومرأى عيون ومسمع جموع الأشهاد
تدرا القبايل عهدها من انحلاله= والكل من روحه عن الدار ذواد
وكل الأسر وافين مابهم فشاله =وماعندهم بأمن الوطن صمت واحياد
وحنا بلي ضلعاً صعيب اختلاله= واشواظ ناراً للمعادين صهاد
جينا نبايع بالولاء وامتثاله= بيعة وفا نمشي على نهج الأجداد
في عهد حكـام الـوفــا والعــدالــه= نسل الشجــاع اللي قهر كل الأنداد
عبدالعزيز المرجله والصماله= قضى حياته كلها كر وجهاد
لم الشتات من الجنوب وشماله =والشرق عانق غربها بشوق ووداد
والتم شمل أهل الوطن بانصاله= وطويت من التاريخ صفحات الاحقاد
ورف العلم ينشر عليها ضلاله= والأمن ينعم به مواطن ومرتاد
غاية أبو تركي من أول نضاله =الدين دستور البلد نهج واعتاد
صان الامـانه ثم سلم عياله= أمانة ما تشيلها شم الأطــواد
وشالوا أمانتهم بعزم وبساله= وتحــدوا الأيام في صبر وعناد
وكلاً يقوم بواجبه في مجاله= حتى أكتمل صرح البنا ساس واعماد
والفقر ولى والرخا جا بداله =وصحرا الضما صارت بساتين وبلاد
في عهد أبو فيصل تطول المقاله =مع سيرته للمجد وقفه وميعاد
راع السياسة والدها والشكاله= له نظرةً يحسب بها كل الأبعاد
تصغر إلى جته الأمور الجلاله= لأنه على حل الصعيبات معتاد
ولي عهده للأمور الثقاله =عضيد أبو فيصل على الدرب ماحاد
هم الوطن والشعب كل انشغاله =يعطف وعطفه عطف والد للاولاد
تفكير أبو متعب بعيداً خياله =باللين لين وبالشديدات مرصاد
وعداً وأبو متعب تعهد وقاله =نقضي بعون الله على حزب الأوغاد
والنايب الثاني جميله فعاله= بالحرب مقداماً وبالمال جواد
مزبن وعون اللي نصاه ولجاله= سلطان مثل الغيث من مزن رعاد
سموه باسم الخير حتى انتماله= ودايم سمي بالخير للخير حصاد
ياطغمة الإرهاب فيكم جهـاله =العفو عنكم كان فرصة وميلاد
قتلتم أطفال ونساء ياالحثالة= غواكم الشيطان سعياً بالإفساد
شوهتوا الدين الحنيف وجماله =ظلمتوا الإسلام يا أرباب الالحاد
هدفكم المنشود صعباً مناله= وتخطيطكم مهما تسوون ما فاد
نحمي بلدنا يافلول الضلاله =ودون الوطن ناقف جماعات وأفراد
وجنودنا الأبطال ضحوا احياله= مشاهد من المجد في ساحة الماد
وكلاً يضحي في حياته وماله= وكيداً تكيدونه على نحوركم عاد
يابن الوطن هذا الوطن له جماله= لا تنكر المعروف ياساس الأجواد
إذاعة الإصلاح زيفاً وهالة= ومــارباً لاهداف طامع وحساد
عميل مبدع في فنون العمالة= أحذر من الخاين يغرك وتنقاد
حكامنا نعم العرب والسلاله =حكامنا سادات وأسيادالأسياد
وأمن الوطن يبقى بذمه رجاله= وأكبر دليل أحداث كابل وبغداد
مشاهد من الحزن صعب احتماله =من شافها يعزف عن النوم والزاد
نصيحتي لايحقق اللي سعى له =يا أولادنا الغالين فلذات الأكباد
وصلاة ربي عد وابل اخياله =على الرسول وزيدوا الذكر ياعباد