قلبي قبل فرقاك ما ينقص الزيت واليوم أزيده في كل مشوار علبه
وفي هذا البيت أنا أجيز الشاعر فقد عبر عن حبه بصورة شعرية رائعة والقصيدة عموما جيدة:
يا ليتني في جيبك ريال مقطوع يبقى معك ما يقبله اي دكان
وهذا مسوي فيها فصيح هو ووجهه :
ان لم تكن في كل الامور ذا عزيمة فما عندك اليوم ماعند جدتي
وهذا ضايق من حبيبه بجد , الله لا يضيق علينا :
اضيق لا شفتك مع الناس مرتاح وارتاح لا ضاقت عليك الوسيعه
إنا لله وإنا إليه لراجعون حتى الموضه دخلت الغرام :
شريت لي ثوبٍ على شان لقياك والثوب راحت موضته ما لبسته
صورة شعرية أخرى تجسد الفكر لدى الشاعر:
أحزن على فرقاك مثل الوراعين لا مروا الدكان وأسرع أبوهم
وهذا شاعر ما ينشد به الظهر :
هات الذلول وهات قوطي سفن اب نغزي ديار القوم وناكل جلكسي
وهذا يعاني من مشكلة الانشغال على الفاضي :
يامال فرقا العين كان ادفنوني وفارقت أنا الدنيا وانا عندي اشغال
وهذا آخذ مقلب بنفسه :
قالت أحبك قلت ماهي غريبه سيارتي كشخه وانا حيل مزيون
وهذا الأخ زاحف من جد :
كان الوعد مابيننا حذفة احجار ومن كثر شوقي له حذفت وفلقته
وهذا غزل عربجـي :
حبك حشرني حشرة القير باثنين الضغط ستة والتواير مصاليخ
منقوله للامانه..
ودمتم بود..
