بسم الله الرحمن الرحيم
السلام عليكم ورحمة الله وبركاته
من القديم ولغرض التواصل
.
.
.
.
أشغلتني والشوق يا قلبي أشغلك=في حب واحد ما درى عنك كلّك
واللي يقودك يمه من الأمل سلك=أدق من سلك الحرير ويتلّك
ضعيف لكنّه بقوة تفاؤلك=يقدر عليك وينزعك من محلّك
كم ليله من ضلوعي الحدب ينسلك=مع سجتي يسري عليك ويسلّك
وأفقدك دايم .. لكن اعرف مداهلك=أروح لك لا غبت عني وادلك
كل ما تغيب بنفس موقعك أحصلك!=أكيد يا قلب الشقا عند خلّك..
اللي على شانه تعني رحايلك=والمشكله ما حس فيك وفطنلّك
تقبل وتقفي والحبيب يتجاهلك=ما كنه اللي بالغلا مستحلّك!
عزي لحالك كل ماجيته اهملك=تتعب على شانه وهو ما يجلّك!
مدري حبيبك في براءه يعاملك؟=ولا تحت ستر البراءه يذلّك؟
يخطي عليك ولا يقدّر فعايلك=وتسامحه وتقول ربي يحلّك
اليوم انا يا قلب مليت اجاملك=وعيني بدت سبّة سهرها تملّك
افطن تراك أهلكتني بالهوى هلك=ولا ني مسجل بالهوى فدوةٍلك
اترك غرامه قبل تكثر مشاكلك=الزين ياقلبي ترى يستغلّك
وان كان ما طاوعتني ودي اسألك!!=قلي وش اللي من غرامه حصلّك؟
عذبتني ونهايتك تشبه اولك=تعطي ولا فكرت مره تملّك !!
وللجميع التحيه والتقدير
