حــــديث 000 الــــــــروح

من هاجسي قمت اترنّـم وغنّيت = غنّيت لفكاري وهن ساهراتـــــي
يوم انهن نادن على طول لبيت = خاويتهن يوم انهن سارياتــــــــي
مديت وسط بحورالافكار وارسيت = ارسيت يوم اني نويت المباتـــــي
لكـــن ما خلّنــي افكاري ابـــيت = يوم انـّهـن مقافـــي او مقبلاتي
اصبحت وانا في هموم وتناهيت = خايف يغوص اليمّ قارب نجاتــي
ماينومن غدر البحر بالتوابيت = ولاهي كما عصاة موسى عصاتي
اخذت من دنياي ماخذت واقفيت = والحي يقفاه الكبر والمماتـــــــي
يوم اقبلت دنياي عنها توليت = هي اقبلت ونا 0 بي العمر فاتــي
شفت العزا في حي غيري وعزيت = عزيت نفسي قبل هاليوم ياتـي
ومريت في عدة مواقف وعديت = الله يسلمني من التاليا تـــــــي
وابطيت وانا اتبع هواي او تماديت = واسرفت بالزلات في حق ذاتي
وسويت ماسويت وبديت وخفيت = والله هو اللي عالم الخافياتــــي
واليوم يوم اني تذكرت ونيـت = اخشى على نفسي عواقب سواتي
يارب انا مخطـي لعفـوك ترجيـت = ارفع لك ابصاري وهن خاشعاتي
ان مابكت عيني نويت اوتباكيت = لعل عبراتي تزيد احسناتـــــــــي
الهتني الدنيا لمني تونيت = وانا ادري ان الربح بالاولاتي
اخطيت ثم اخطيت وخطيت وخطيت = والعفو من مولاي غاية مناتي
صليت ماني داريا كيف صليت = ياربي ارحمني وتمــم صـلاتـــي
وتكفون يا عيالي لمني توفيت = تكفون بالله تعتنوا فـــي وصاتــي
ان غبت عنكم ياضنا الكبد وابطيت = ادعو لي الله بالعفو والثباتــــي
لايصيبكم بعدي تفرق وتشتيت = ترا ان ضعف القو عند الشتاتـــــي
تعاونو منشان يظهر لكم صيت = واخذوا وصاتي وارفقو في بناتي

وسلامتكم

وتكفون يا عيالـي لمنـي توفيـت
تكفون بالله تعتنـوا فـي وصاتـي
ان غبت عنكم ياضنا الكبد وابطيـت
ادعـو لـي الله بالعفـو والثباتـي
لايصيبكم بعـدي تفـرق وتشتيـت
ترا ان ضعف القو عنـد الشتاتـي
تعاونو منشان يظهـر لكـم صيـت
واخذوا وصاتي وارفقو في بناتـي
***************************

جعلك من طويلين الأعمار اخوي عيد
وجعلك تشوف عيال عيال عيالك

وقفت عند ابياتك كثيرآ تسلم
على هالقافيه الجميله المحزنه

تسلم اخوي
عيد
قصيده معبره وجزله ابدعت في نسجها
اعجاب اخي عيد بهذه الفاتنه
لاعدمانك

تقبل
مودة
اخوك
عبدالله الوحيشي

بعد قراءة هذة المناجاة الروحانية التي خاطبت القلوب قبل العقول بعد هذا البوح الصادق اقول :
اكتب ياعيد اكتب وحلق بارواحنا بعيداً هناك في فضاء التوبة والرحمة اكتب ياعيد فقد ايقظت قلوبنا الغافية وارسلت دموعنا الصافية .. حقاً قليل الشعر من اهله يكفي عن دوواين غيرهم .

رائعه من روائع / ابن قيضي

وهذا الشاعر لا ياتي الا بكل جميل وكل مفيد وجزل


حقيقه قصيده شامخه مهما كتبت عنها ابقى مقصر وتعجز الحروف امام هذا الابداع وهذه الجزاله


الله درك ياعيد

وسلمت سلمت سلمت

على هذه الكلمات التي لا ياتي بها الا شاعر كفو مثلكـ


تشرفت بمقابلتك بتلك الليه الجميله بوجودك بتبوك الورد

وكان الحديث معك لا يمُل


وهنا
يشرفني المرور على كلماتكـ التي تعانق السماء جمالاً .


شكراً لكـ على هذا النص وصح لسانكـ

اخذت من دنياي ماخـذت واقفيـت
والحـي يقفـاه الكبـر والمماتـي
يوم اقبلـت دنيـاي عنهـا توليـت
هي اقبلت ونا 0 بي العمـر فاتـي






حكم حكم




قصيده شامخه بمعنى الكلمه



تجبر القاري على القراءه مرات كثيره




مبدع متمكن جزل قدير



ياعيد بن قيضي



صح لساانك



فقد اعجبني ما قرائته جداً جداً




تسلم ويسلم نبضك الراقي



تقبل ودي وتقديري